देशाचे मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी मंगळवारी दिल्लीत विरोधी खासदारांनी संसद भवन ते निर्वाचन सदनपर्यंत मोर्चा काढला. मात्र पोलिसांनी हा मोर्चा रोखून धरल्याने राहुल गांधी, प्रियंका गांधी यांच्यासह इतर खासदारांना आकाशवाणी भवन येथे आठ तास ठिय्या दिला. या प्रकरणी आता त्यांच्यावर एफआयआर दाखल करण्यात आली आहे. मात्र ही आपल्यासाठी एखाद्या मेडलसारखी असून एफआयआरचे शतक पूर्ण करण्याची इच्छा असल्याचे राहुल गांधी म्हणाले. विरोधी खासदारांसाठी आयोजित स्नेहभोजन कार्यक्रमानंतर ते माध्यमांशी बोलत होते. यावेळी त्यांनी जंतरमंतर येथे आंदोलन करणार असल्याचीही घोषणा केली.
दिल्लीतील रणकंदननंतर बुधवारी राज्यसभेचे विरोधी पक्षनेते मल्लिकार्जुन खरगे यांनी इंडिया आघाडीच्या खासदारांना स्नेहभोजनासाठी सागर रत्ना रेस्टॉरंटमध्ये आमंत्रित केले होते. जंतरमंतरहून 100 मीटर अंतरावर हे रेस्टॉरंट असून येथूनच विरोधी खासदार आंदोलनासाठी मार्गस्थ होणार आहेत. या पार्श्वभूमीवर या भागात बॅरेकेट्स लावण्यात आले असून पोलिसांचा मोठा फौजफाटा तैनात करण्यात आला आहे. तसेच कलम 163 लागू करण्यात आले आहे.
दरम्यान, राहुल गांधी यांनी माध्यमांशी संवाद साधत आंदोलनाची दिशा स्पष्ट केली. काल आम्ही जवळपास 300 खासदार मुख्य निवडणूक आयुक्तांची भेट घेण्यासाठी गेलो होते. परंतु आम्हाला भेट नाकारण्यात आली. दिल्ली पोलिसांनी आम्हाला रोखले आणि येथे आंदोलन करू शकत नाहीत असे आम्हाला सांगण्यात आले. त्यामुळे आम्ही आंदोलनाचे अधिकृत ठिकाण असलेल्या जंतरमंतर येथे जाण्याचे ठरवले आहे, असे राहुल गांधी म्हणाले.
ते पुढे म्हणाले की, ज्ञानेश कुमार हे आमच्यासाठी देशाचे कायदेशीर निवडणूक आयुक्त नाहीत. मोदी, अमित शहा, मोहन भागवत आणि ज्ञानेश कुमार यांनी देशाची लोकशाही नष्ट केली आहे. मी काल देखील म्हटलो की, ज्यांनी हे कृत्य केले आहे ते देशद्रोही असून आम्ही त्यांच्यावर कारवाई करून. मी आताही हेच सांगतोय की, ज्ञानेश कुमार यांना राजीनामा द्यावाच लागेल.
VIDEO | After lunch at Sagar Ratna with Opposition MPs, Lok Sabha LoP Rahul Gandhi (@RahulGandhi) says, “As I said yesterday, approximately 300 MPs wanted to meet the Chief Election Commissioner, but they told that we could not hold a protest there. So, today, our plan is to go to the designated protest site, Jantar Mantar, and sit there together once again, and tell the country that, for us, Gyanesh Kumar is not the legitimate Election Commissioner of the country. Modi Ji, Amit Shah Ji, Mohan Bhagwat, and Gyanesh Kumar have destroyed the democracy of the country. As I said yesterday, those who have done this are traitors to the country, and we will take action against them. I am telling you right now: Gyanesh Kumar will have to resign.”
When asked about the FIR against him, he says, “I have 45 FIRs against me. My goal is to have 100. I want 100 FIRs to be registered against me. Every FIR is a medal for me.”
#RahulGandhi #OppositionMPlunch
— Press Trust of India (@PTI_News) October 7, 2026
एफआयआर हे मेडल
माझ्यावर 45 एफआयआर दाखल असून मला शतक गाठण्याची इच्छा आहे. माझ्याविरुद्ध 100 एफआयआर दाखल व्हाव्यात अशी माझी इच्छा आहे. प्रत्येक एफआयआर माझ्यासाठी एखाद्या मेडलसारखी आहे, असेही राहुल गांधी म्हणाले.
कितीही गुन्हे दाखल झाले तरी घाबरणार नाही – खरगे
इंडिया आघाडीतील सर्व घटक पक्ष आज जंतरमंतर येथे मुख्य निवडणूक आयुक्त ज्ञानेश कुमार यांच्या विरोधात आंदोलन करणार आहेत. आमच्या मागण्या पूर्ण होईपर्यंत हे आंदोलन सुरूच राहील. निवडणूक आयोगाकडून सुरू असलेल्या प्रत्येक कारवाईमागे पंतप्रधान नरेंद्र मोदी यांचा हात आहे. मोदी लोकशाही नष्ट करण्याचा प्रयत्न करत आहेत. त्यामुळे सर्व विरोधी पक्ष एकत्र येऊन देशातील जनतेला त्यांचा अधिकार हिरावून घेतला जात असल्याचे सांगू इच्छित आहेत. जनतेच्या अधिकारांच्या रक्षणासाठी आमच्यावर कितीही गुन्हे दाखल झाले, तरी आम्ही घाबरणार नाही आणि आंदोलनातून माघारही घेणार नाही, असा निर्धार राज्यसभेचे विरोधी पक्षनेते मल्लिकार्जुन खरगे यांनी केला.
INDIA गठबंधन के सभी साथी आज जंतर-मंतर पर ज्ञानेश कुमार के खिलाफ प्रदर्शन करेंगे।
जब तक हमारी मांग पूरी नहीं हो जाती, हम प्रदर्शन करते रहेंगे।
चुनाव आयोग जो भी कर रहा है, उसके पीछे नरेंद्र मोदी हैं। मतलब मोदी खुद लोकतंत्र को खत्म करने की कोशिश कर रहे हैं।
इसलिए हम सभी पार्टी के लोग मिलकर देश के लोगों को बताना चाहते हैं कि उनका अधिकार छीना जा रहा है।
जनता के अधिकारों की रक्षा के लिए हमारे ऊपर कितने भी केस कर दिए जाएं, हम डरने और रुकने वाले नहीं हैं।
: कांग्रेस अध्यक्ष श्री @kharge
📍 दिल्ली
— Congress (@INCIndia) October 7, 2026
