अंधेरीतल्या साकीनाक्यात भंगाराच्या गोदामाला भीषण आग, सुदैवाने अद्याप कोणतीही जीवितहानी नाही

मुंबईतील साकीनाका परिसरात भंगाराच्या गोदामाला आग लागल्याची घटना समोर आली आहे. अंधेरी पूर्वेकडील खैराणी रोडवरील अब्दुल रशीद कंपाउंड येथे ही घटना घडली. मुंबई अग्निशमन दलाला (MFB) सायंकाळी 6 वाजून 18 मिनिटांनी आगीची माहिती मिळाली. परिस्थितीची पाहणी केल्यानंतर अग्निशमन दलाने सायंकाळी 6 वाजून 37 मिनिटांनी या आगीला लेव्हल-2 आग म्हणून घोषित केले.

घटनेची माहिती मिळताच अग्निशमन दलाच्या गाड्या घटनास्थळी दाखल झाल्या असून आग विझवण्याचे काम सुरू आहे. आगीचे नेमके कारण अद्याप स्पष्ट झालेले नाही.

या बचावकार्य आणि अग्निशमन मोहिमेसाठी मुंबई अग्निशमन दलासोबतच पोलीस, अदानी इलेक्ट्रिसिटीचे कर्मचारी, 108 रुग्णवाहिका सेवा आणि बृहन्मुंबई महानगरपालिकेच्या (BMC) संबंधित विभागातील कर्मचाऱ्यांनाही घटनास्थळी तैनात करण्यात आले आहे.

आतापर्यंत या घटनेत कोणालाही दुखापत झाल्याची माहिती समोर आलेली नाही. आगीवर नियंत्रण मिळवण्यासाठी प्रयत्न सुरू असून, घटनेबाबतची अधिक माहिती मिळण्याची प्रतीक्षा आहे. मुंबई अग्निशमन दलाकडून ही माहिती देण्यात आली आहे.

Mumbai, Maharashtra: A fire broke out in a scrap material godown at Khairani Road in Sakinaka, Andheri (East). The incident was reported to MFB at 6:18 pm at Abdu Rashid Compound, Khairani Road, Sakinaka. Upon assessment of the situation, the fire brigade declared it a Level-II fire at 6:37 pm. Fire tenders were rushed to the spot, and firefighting operations are underway. Besides MFB, the police, Adani Electricity, 108 ambulance service and ward staff of the Brihanmumbai Municipal Corporation (BMC) have also been mobilised at the site. No injuries have been reported so far. Further details are awaited: Mumbai Fire Brigade

— ANI (@ANI) October 20, 2026