लोकसभा निवडणुकीच्या पार्श्वभूमीवर, विभाग क्रमांक नऊचे विभागप्रमुख प्रमोद शिंदे आणि महिला विभाग संघटिका पद्मा शिंदे यांच्या मार्गदर्शनाखाली माजी नगरसेविका अंजली नाईक यांच्या नेतृत्वाखाली सोमवारी शाखा क्रमांक 147 मध्ये महिला शिवसैनिकांच्या बैठकीचे आयोजन करण्यात आले होते. बैठकीनंतर मशाल हाती घेत सर्वांनी मोठय़ा जल्लोषाने लोकसभेचे दक्षिण मध्य मुंबईचे शिवसेना (उद्धव बाळासाहेब ठाकरे) उमेदवार अनिल देसाई यांच्या प्रचाराचे रणशिंग फुंकले.
या वेळी उपविभागप्रमुख राजेंद्र पोळ, महिला अणुशक्तीनगर विधानसभा समन्वयक नेमाडे, रेणुका टोपकर, उपविभाग संघटिका विद्या पालांडे, विधानसभा समन्वयक अंबादास काटकर, शाखाप्रमुख गणेश पाटील, शाखा समन्वयक रूपेश गावकर, महिला शाखा संघटक दुर्गा ढगे, शाखा समन्वयक छाया साळुंखे यांच्यासह सर्व उपशाखाप्रमुख, महिला गटप्रमुख, शिवसैनिक, ज्येष्ठ शिवसैनिक उपस्थित होते.
