फिफा विश्वचषक २०१८मध्ये विजेत्या संघाला २५५ कोटी रूपये पारितोषिक म्हणून मिळणार आहेत. ही रक्कम आंतराष्ट्रीय क्रिडा स्पर्धेत पारितोषिक म्हणून देण्यात येणारी सर्वात मोठी रक्कम आहे. परंतु विश्वचषक स्पर्धेमध्ये खेळणारे असे काही खेळाडू आहेत, जे विश्वचषकातील पारितोषिकाच्या रक्कमेपेक्षा जास्त कमाई दरवर्षी करतात.
फुटबॉलविश्वातील काही दिग्गज खेळाडू दरवर्षी कोट्यावधी रूपयांची कमाई करतात. या खेळाडूंच्या यादीमध्ये पोर्तुगालचा स्टार खेळाडू ख्रिस्तियानो रोनाल्डो, अर्जेंटीनाची मदार सांभाळणारा लियोनल मेस्सी आणि ब्राझिलचा धडाकेबाज खेळाडू नेमार यांचा समावेश आहे.
आपल्या जादूई खेळीने साऱ्या चाहत्यांना घायाळ करणारा लियोनल मेस्सी दरवर्षी ९८९ कोटी रूपयांची कमाई करतो. जी विश्वचषकाच्या पारितोषिकाच्या रक्कमेपेक्षा ३.८७ पटींनी जास्त आहे.
पोर्तुगालचा स्टार खेळाडू ख्रिस्तियानो रोनाल्डोची ७३८ कोटी रूपये इतकी वार्षिक कमाई आहे. जी विश्वचषकाच्या पारितोषिकाच्या रक्कमेपेक्षा २.८९ पटींनी जास्त आहे.
फुटबॉल जगतातील खेळाडूंच्या कमाईमध्ये ब्राझिलचा धडाकेबाज खेळाडू नेमार ६४० कोटी रूपये दरवर्षी कमावतो. नेमारची कमाई ही पारितोषिकाच्या रक्कमेपेक्षा २.५ पटींनी जास्त आहे.
