प्रसिद्ध उद्योगपती रतन टाटा (Ratan Tata) यांना जिवे मारण्याची धमकी देण्यात आली आहे. मात्र शोध लागूनही मुंबई (Mumbai Police) पोलिसांनी आरोपीला बेड्या ठोकलेल्या नाहीत. ‘एएनआय’ने याबाबत वृत्त दिले आहे.
पोलिसांनी दिलेल्या माहितीनुसार, आरोपीने मुंबई पोलिसांच्या नियंत्रण कक्षाला फोन करून रतन टाटा यांना जिवे मारण्याची धमकी दिली होती. रतन टाटा यांचा सायरस मिस्त्री होईल, अशी धमकी आरोपीने दिली होती. धमकीच्या फोननंतर मुंबई पोलीस अलर्ट मोडमध्ये गेले आणि रतन टाटा यांची सुरक्षा वाढवण्यात आली. तर एक पथक फोनवरून धमकी देणाऱ्याचा शोध घेण्य़ासाठी रवाना करण्यात आले.
Maharashtra | Mumbai Police received a threatening call regarding industrialist Ratan Tata in which the caller claimed, “increase the security of Ratan Tata otherwise he too will become Cyrus Mistry.” The police immediately sprung into action and during interrogation, the police…
— ANI (@ANI) December 16, 2023
पोलिसांनी तांत्रिक मदतीद्वारे फोन करण्याचा शोध घेतला. सदर धमकीचा फोन कर्नाटकमधून आल्याचे स्पष्ट झाले. आरोपी हा मूळचा पुण्याचा रहिवासी असल्याचेही आणि गेल्या पाच दिवसांपासून तो बेपत्ता असल्याचे समोर आले. आरोपीच्या पत्नीने या प्रकरणी भोसरी पोलीस स्थानकात तक्रारही दाखल केली होती.
पोलिसांनी आरोपीच्या नातेवाईकांकडे अधिक चौकशी केली असता त्याला स्किझोफ्रेनिया हा आजार असल्याचे समजले. या आजाराची रुग्ण दुहेरी जगात जगतात. यातूनच आरोपीने हा धमकीचा फोन केल्याचे स्पष्ट झाले. त्यामुळे त्याच्यावर कायदेशीर कारवाई करण्यात आली नाही.
दरम्यान, आरोपीने फायनान्समध्ये एमबीए केले असून अभियांत्रिकीचेही शिक्षण घेतल्याचे पोलीस तपासात समोर आले आहे. याप्रकरणी पोलीस अधिक तपास करत आहेत.
