नरेंद्र मोदी आणि अमित शहा यांनी राज्यावर बेकायदा मुख्यमंत्री लादले आहेत. ते भाजपचेच आहेत. त्यामुळे त्यांना आता भाजपच्याच पखाली वाहव्या लागणार आहेत, असा टोला शिवसेना (उद्धव बाळासाहेब ठाकरे) नेते, खासदार संजय राऊत यांनी मिंध्यांना लगावला.
बेकायदा मुख्यमंत्री हे भाजपचेच आहे. नरेंद्र मोदी आणि अमित शहा हे त्यांचे नेते आहेत. अनेक लहानलहान गोष्टींसाठी त्यांना दिल्लीला जावे लागते. त्यामुळे मिंधे यांना भाजपच्याच पखाली वाहव्या लागणार आहे. मिंधे प्रचाराची सुरूवात भाजपच्या उमेदवारापासून करत असल्याने मिंधे यांना भाजपच्या चपला उचलाव्या लागणार आहेत, ते भाजपचेच मिंधे असल्याने त्यांना भाजपच्या पखाली वाहव्या लागत आहे, असा टोलाही संजय राऊत यांनी लगावला.
हेलिकॉप्टरमधून एबी फॉर्म पाठवण्यात आले त्याची निवडणूक आय़ोग चौकशी करणार असल्याबाबत ते म्हणाले की, निवडणूक आय़ोगाच्या चौकशीला काहीही अर्थ नाही. आम्ही हेलकॉप्टरने पैसे पाठवल्याचे व्हिडीओ, पैसे वाटपाचे व्हिडीओ पाठवले. त्यांच्याकडे अनेक पुरावे दिले. मात्र, चौकशी किंवा काहीही कारवाई करण्यात आलेली नाही. त्यामुळे निवडणूक आय़ोगाकडून करण्यात येणाऱ्या चौकशीला काहीही अर्थ नसल्याचे संजय राऊत यांनी स्पष्ट केले.
राज्याचे गृहमंत्री देवेंद्र फडणवीस यांच्या स्वतःची सुरक्षा वाढवून घेतली. जनतेची सुरक्षा वाऱ्यावर असताना त्यांनी स्वतःसाठी फोर्स वनच्या पूर्ण पथकाचे संरक्षण घेतले आहे. राज्यात खून ,बलात्कार, खंडणी वसूली, कोयदा गँगची दहशत असे प्रकार घडत आहेत. असे प्रकार होत असताना गृहमंत्र्यांनी फोर्सवनची सुरक्षा घेतली. त्यांना नेमका कोणापासून धोका आहे. युक्रेन, इस्रायल, लिबिया, उत्तर कोरियाच्या किंम जोंगपासून धोका आहे, फडणवीसांना नेमका कोणापासून धोका आहे, ते आम्हाला समजायाला हवे. आम्ही देशाचे नागरिक आहोत. राज्याच्या गृहमंत्र्यांना नेमका कोणापासून धोका आहे, हे स्पष्ट होण्याची गरज आहे.
