आखातातील वाढता तणाव आणि कच्च्या तेलाच्या किंमतीत झालेली वाढ यानंतरही बुधवारी हिंदुस्थानच्या शेअर बाजारात तेजी दिसून आली. बाजार उघडताच मुंबई शेअर बाजाराचा निर्देशांक सेन्सेक्स आणि राष्ट्रीय शेअर बाजाराता निर्देशांक निफ्टी चौफेर खरेदीमुळे वधारला. सेन्सेक्स 410 अंकांनी वधारून 77,464 च्या पातळीवर पोहोचला. दुसरीकडे, निफ्टी देखील 120 अंकांच्या वाढीसह 24,172 च्या पार गेला. बाजारातील या बंपर ओपनिंगमुळे गुंतवणूकदारांमध्ये प्रचंड उत्साहाचे वातावरण आहे.
