जागतिक शेअर बाजारात दबाव असताना दक्षिण कोरियाचा शेअर बाजार कोस्पी (KOSPI) तेजीत होता. सामान्य गुंतवणूकदारांपासून ते मोठ्या गुंतवणूकदारांपर्यंत सर्वजण या बाजारात प्रवेश करून गुंतवणूक करण्याचा विचार करत होते. मात्र, शुक्रवारी दक्षिण कोरियाच्या बाजारात मोठी घसरण झाली आहे. मोठ्या घसरणीमुळे या आठवड्यात दुसऱ्यांदा या बाजारातील व्यवहार थांबले आहेत. AI च्या वाढत्या ट्रेंडमुळे दक्षिण कोरियाच्या बाजारात मोठी गुंतवणूक करण्यात आली होती. आता या घसरणीमुळे AI चा फुगा फुटणार का? अशी चर्चा होत आहे.
परदेशी गुंतवणूकदारांनीही या बाजारात मोठी गुंतवणूक केली होती. मात्र, आता या बाजारात मोठी घसरण होत आहे. एकाच आठवड्यात यात दोनदा मोठी घसरण झाली आहे. शुक्रवारी दक्षिण कोरियाचा कोस्पी (KOSPI) ८.२ टक्क्यांनी घसरला, ज्यामुळे २० मिनिटांसाठी व्यवहार थांबवावे लागले. गुंतवणूकदारांनी एआय (AI) आणि चिप बनवणाऱ्या कंपन्यांचे शेअर्स विकायला सुरुवात केल्यामुळे ही मोठी घसरण झाली.
ब्लूमबर्गच्या अहवालानुसार, सॅमसंग इलेक्ट्रॉनिक्स कंपनी आणि एसके हायनिक्सचे शेअर्स ९% पेक्षा जास्त घसरले. परदेशी गुंतवणूकदारांनी सकाळच्या सत्रात २.७ ट्रिलियन वॉन ($१.७ अब्ज) किमतीचे कोस्पी शेअर्स विकले. मात्र, आदल्या दिवशी या स्टॉकमध्ये लक्षणीय वाढ झाली होती. घसरणीच्या आदल्या दिवशी, कोस्पीमध्ये लक्षणीय वाढ झाली होती. मात्र, मागील सत्रात त्यात मोठी घसरण झाली होती. त्या दिवशी, कोस्पीने लोअर सर्किट गाठले आणि २० मिनिटांसाठी ट्रेडिंग थांबवण्यात आले. मेमरी चिप्सच्या तुटवड्यामुळे ॲपल उत्पादनांच्या किमती वाढवेल आणि ओपनएआय आपला आयपीओ पुढील वर्षापर्यंत पुढे ढकलू शकते, या चिंतेमुळे गुंतवणूकदारांनी शेअर्स विकले आणि बाजारात मोठी घसरण झाली.
फेडरल रिझर्व्ह बँकेच्या व्याजदर वाढीच्या अपेक्षा पुन्हा वाढल्या आहेत, ज्यामुळे आशियाई बाजारांमध्ये मोठी घसरण झाली आहे. चिप आणि एआय कंपन्यांमधील नफावसुलीमुळे विक्रीत मोठी वाढ झाली आहे, ज्यामुळे शेअर बाजारांमध्ये घसरण झाली आहे. कोस्पी व्यतिरिक्त, जपानच्या बाजारातही मोठी घसरण दिसून आली. जपानी निक्केई ३००० अंकांनी, म्हणजेच ४.१५ टक्क्यांनी घसरला. हाँगकाँगचा बाजारही सुमारे २ टक्क्यांनी घसरला. तथापि, काल रात्री अमेरिकन बाजारात किंचित वाढ दिसून आली. भारतीय बाजार बंद असल्यामुळे आज शेअर बाजार बंद आहेत. एनएसई (NSE) आणि बीएसई (BSE) यांनी मोहरमनिमित्त सुट्टी जाहीर केली आहे. भारतीय शेअर बाजार आता सोमवारी सुरू होणार आहे.
एआयला (AI) भविष्यातील सर्वात मोठी क्रांती म्हटले जात आहे. पण २२ जून रोजी, गूगलमधून केवळ दोन एआय शास्त्रज्ञांच्या जाण्याने असा भूकंपासारखा धक्का बसला की अल्फाबेटचे बाजार भांडवल अंदाजे २५०-२७० अब्ज डॉलर्सने कमी झाले. एकाच दिवसात, जगातील सर्वात मोठ्या एआय कंपन्यांच्या शेअर्समध्ये मोठी घसरण झाली. एनव्हिडियाचे अंदाजे २०० अब्ज डॉलर्सचे नुकसान झाले. ॲमेझॉनचे शेअर्स जवळपास ५% नी घसरले. मेटाचे शेअर्स जवळपास २% नी घसरले. गुगलची मूळ कंपनी, अल्फाबेटच्या शेअर्समध्येही मोठी घसरण झाली, ज्यामुळे तिच्या बाजार भांडवलातून अंदाजे २७० अब्ज डॉलर्स कमी झाले. जागतिक शेअर बाजारांमध्ये अस्वस्थता पसरली.
गुगलचे सर्वात प्रतिभावान एआय संशोधक, नोआम शझीर यांनी कंपनी सोडून ओपन एआयमध्ये सामील होण्याचा आपला निर्णय जाहीर केला. नोआम शझीर हे तेच शास्त्रज्ञ आहेत ज्यांनी २०१७ च्या महत्त्वपूर्ण ‘ट्रान्सफॉर्मर’ शोधनिबंधाचे सह-लेखन केले होते. हे ट्रान्सफॉर्मर तंत्रज्ञान आजच्या चॅटजीपीटी, जेमिनी, क्लाउड आणि जवळपास सर्व प्रगत एआय मॉडेल्सचा पाया मानले जाते. बाजार अजूनही ही बातमी पचवत असतानाच, १९ जून रोजी आणखी एक मोठी बातमी आली.
गुगल डीपमाइंडचे प्रख्यात शास्त्रज्ञ आणि रसायनशास्त्रातील नोबेल पारितोषिक विजेते, जॉन जम्पर यांनीही गुगल सोडून अँथ्रोपिकमध्ये सामील होण्याचा निर्णय घेतला. या दोन्ही बातम्या आठवड्याच्या शेवटी समोर आल्या. २२ जून रोजी बाजार उघडताच गुंतवणूकदारांनी अल्फाबेटचे शेअर्स विकायला सुरुवात केली. काही तासांतच, इंट्राडे ट्रेडिंगमध्ये कंपनीच्या स्टॉकमध्ये सुमारे ७.२% ची घसरण झाली, जी एका वर्षापेक्षा जास्त काळातील सर्वात मोठी घसरण होती. या घटनांमुळे AI फुगा फुटण्याची शक्यता वर्तवण्यात येत आहे.
