एसआयआर आणि निवडणूक आयोगाच्या भ्रष्ट कारभाराविरोधात इंडिया आघाडी रस्त्यावर उतरली आहे. राजधानी दिल्लीमध्ये सलग तिसऱ्या दिवशी इंडिया आघाडीच्या खासदारांची एकजूट पाहायला मिळाली. एसआयआर प्रक्रिया रद्द करा आणि मुख्य निवडणूक आयुक्त ज्ञानेश कुमार यांचा राजीनामा घ्या या मागणीसाठी इंडिया आघाडीचे जवळपास 300 खासदार रणांगणात उतरले आहेत. सलग दोन दिवस आंदोलन रोखल्यानंतर आता इंडिया आघाडीचे खासदार भाजप आणि निवडणूक आयोगाच्या कारभाराविरोधात आज राजघाटावर जाऊन आंदोलन करणार आहेत.
कॅनॉट प्लेस येथे आयोजित स्नेहभोजनानंतर लोकसभेचे विरोधी पक्षनेते राहुल गांधी, राज्यसभेचे विरोधी पक्षनेते मल्लिकार्जुन खरगे, खासदार प्रियांका गांधी आणि इंडिया आघाडीतील घटकपक्षांचे खासदार राजघाटाकडे रवाना झाले. यावेळी खरगे यांनी केंद्रातील मोदी सरकारवर जोरदार हल्ला चढवला. देशाला मिळालेलं स्वातंत्र्य आणि नागरिकांचा मताधिकार हिरावण्याचा प्रयत्न सुरू असल्याची टीका खरगे यांनी केली.
इंडिया आघाडीचे सदस्य शांततापूर्ण धरणे आंदोलन करण्यासाठी गांधी स्मारकाकडे जात असून तेथे बसून केंद्रातील भाजप सरकारला सुबुद्धी मिळावी, अशी प्रार्थना करणार असल्याचे मल्लिकार्जुन खरगे म्हणाले. पंतप्रधान नरेंद्र मोदी आणि केंद्रीय गृहमंत्री अमित शहा यांच्या नेतृत्वाखालील सरकारच्या धोरणांमुळे देशाच्या हिताला बाधा पोहोचत असल्याचा आरोप त्यांनी केला. मतांची चोरी, वाढती महागाई, तरुणांसमोरील समस्या आणि अन्य प्रश्नांकडे त्यांनी यावेळी लक्ष वेधले.
महात्मा गांधी, पंडित जवाहरलाल नेहरू आणि सरदार वल्लभभाई पटेल यांसारख्या नेत्यांनी मिळवून दिलेले स्वातंत्र्य, अधिकार आणि मतदानाचा हक्क हिरावून घेण्याचे प्रयत्न सुरू असल्याचा आरोपही खरगे यांनी केला. हे थांबविण्याची सुबुद्धी सरकारला मिळावी, यासाठी गांधी स्मारक येथे शांततापूर्ण आंदोलन आणि प्रार्थना करण्यात येणार असल्याचे खरगे यांनी यावेळी स्पष्ट केले.
#WATCH | Delhi | LoP Rajya Sabha Mallikarjun Kharge says, “We, the members of the INDIA alliance, are heading to the Gandhi Memorial to stage a peaceful sit-in protest. We will sit there and pray that the BJP government, specifically PM Modi and Union Home Minister Amit Shah be granted the wisdom to realize that their actions are not in the nation’s interest. Whether it is the issue of vote theft, the rising inflation, the problems facing the youth, or any other crisis they have created, everything goes against the public interest. That is why we are going to the Gandhi Memorial to pray; we want to highlight that they are snatching away the freedom we secured, the freedom won for us by great leaders like Pandit Jawaharlal Nehru, Mahatma Gandhi, and Vallabhbhai Patel and are making every effort to destroy it. They are taking away our right to vote. We are going there to pray that they be granted the wisdom to stop stripping us of the rights and freedoms—including the right to vote—that were secured for us by these great leaders. We will sit there and stage a protest”
— ANI (@ANI) October 8, 2026
लोकशाहीची हत्या, राहुल गांधींकडून पुनरुच्चार
दरम्यान, लोकसभेचे विरोधी पक्षनेते राहुल गांधी यांनी माध्यमांशी बोलताना लोकशाहीची हत्या होत असून मतचोरी होत असल्याचा पुनरुच्चार केला. जवळपास 300 खासदारांना शांततापूर्ण आंदोलन करायचे होते. परंतु पहिल्या दिवशी निवडणूक आयोगाच्या कार्यालयाजवळ रोखण्यात आले. दुसऱ्या दिवशी जंतरमंतरला जाण्यापासून रोखण्यात आले. काही लोकांना मारहाणही करण्यात आली. सत्य हेच आहे की, नरेंद्र मोदी, अमित शहा, मोहन भागवत आणि ज्ञानेश कुमार यांनी सुनियोजित कटाद्वारे देश हायजॅक केला आहे. त्यांनी लोकशाहीची हत्या केली असून मतचोरी केली आहे, असा हल्लाबोल राहुल गांधी यांना केला.
करीब 300 सांसद शांतिपूर्ण धरना करना चाहते हैं, लेकिन पहले दिन हमें चुनाव आयोग के दफ्तर के पास रोका गया।
फिर दूसरे दिन हमें जंतर-मंतर जाने से रोका गया और हमारे लोगों को मारा।
सच्चाई ये है कि नरेंद्र मोदी, अमित शाह, मोहन भागवत और ज्ञानेश कुमार ने Criminal Conspiracy करके देश को हाईजैक किया है। संविधान को नष्ट किया और वोट चोरी की है।
They (Amit Shah, Narendra Modi, Mohan Bhagwat and Gyanesh Kumar) will be brought to justice. This is our guarantee, and you will see it happen.
: नेता विपक्ष श्री @RahulGandhi
📍 दिल्ली
— Congress (@INCIndia) October 8, 2026
