बॉलिवूड अभिनेता अजय देवगण हा सध्या आगामी चित्रपट ‘सिंघम 3′ च्या चित्रीकरणादरम्यान व्यस्त आहे. सिंघम 3’ हा चित्रपट लवकरच प्रदर्शित होणार आहे. चित्रपटाच्या प्रदर्शनाची चाहते आतुरतेने वाट पाहत आहेत. दरम्यान चित्रपटाच्या सेटवर अजय देवगणचा अपघात झाल्याचे समोर आले आहे. त्यामुळे या चित्रपटाचे चित्रीकरणही रद्द करण्यात आले आहे. अजय देवगणच्या डोळ्याला दुखापत झाल्याचे बोलले जात आहे. यासाठी अभिनेता नेत्रतज्ज्ञांचा सल्ला घेत आहे.
अजयच्या डोळ्याला दुखापत झाल्यामुळे चित्रपटाचे चित्रीकरण रद्द करण्यात आले आहे. सध्या या चित्रपटाचं चित्रीकरण हैदराबादमध्ये सुरू होतं. रद्द केलेले शेड्यूल 2024च्या हैदराबाद शेड्यूलच्या चित्रीकरणानंतर पूर्ण केले जाईल. मात्र अजयशिवाय चित्रीकरण सुरू होऊ शकत नसल्याची माहिती सूत्रांनी दिली आहे.
He is Mighty
He is Power
He is Danger
He is Strength
Singham will roar again!#SinghamAgain @ADFFilms @RSPicturez @jiostudios @RelianceEnt #Cinergy pic.twitter.com/VnmlN0TsT3— Ajay Devgn (@ajaydevgn) November 21, 2023
दरम्यान जेव्हा रोहित शेट्टीला विचारण्यात आले की तू इतर स्टार्ससोबत शूट करू शकतोस का, तेव्हा तो म्हणाला की अजयशिवाय हे शक्य नाही आणि तो चित्रपटाचा मुख्य पात्र आहे. त्यामुळे त्याच्याशिवाय ते होऊ शकत नाही. आता सर्वजण अजयच्या लवकरात लवकर बरे होण्यासाठी प्रार्थना करत आहेत. अजय देवगण चित्रीकरणावर कधी परततो यावर चाहत्यांचे लक्ष आहे.
दरम्यान ‘सिंघम 3’ हा मल्टीस्टारर चित्रपट आहे. या चित्रपटात अजय देवगणसोबत अक्षय कुमार, करीना कपूर, रणवीर सिंग, दीपिका पदुकोण, टायगर श्रॉफ, अर्जुन कपूर आणि श्वेता तिवारी यांच्या महत्त्वपूर्ण भूमिका आहेत. अजयचे चाहते आणि सिनेप्रेमी या सिनेमाची आतुरतेने वाट पाहत आहेत. अजयचा धमाकेदार अंदाज या सिनेमात पाहायला मिळणार आहे.
