राष्ट्रवादी काँग्रेसचे प्रदेशाध्यक्ष आणि आमदार जयंत पाटील (Maharashtra NCP president and MLA Jayant Patil) यांना अंमलबजावणी संचालनालयाने (ईडी) पुन्हा समन्स धाडले आहे.
जयंत पाटील यांना गेल्या आठवड्यामध्ये ईडीने समन्स पाठवले होते. आज 15 मे रोजी त्यांना चौकशीला हजर राहण्यास सांगण्यात आले होते. मात्र जयंत पाटील यांना ईडीकडे वेळ वाढवून मागितला होता. ही मागणी मान्य करत ईडीने जयंत पाटील यांना आठवड्याभराची मुदत दिली आहे. आता पुढील सोमवारी 22 मे रोजी त्यांना चौकशीसाठी हजर रहावे लागेल..
#UPDATE | Enforcement Directorate sends second summon to Maharashtra NCP president & MLA Jayant Patil, asking him to appear before the agency on May 22, in connection with the alleged IL&FS scam https://t.co/35JHEubWB5
— ANI (@ANI) May 15, 2023
‘आयएल ऍण्ड एफएस’च्या (IL&FS scam) माध्यमातून अनेकांनी आर्थिक मोठा गैरव्यवहार केला असल्याचा आरोप होता. यापूर्वी या प्रकरणात मनसेचे अध्यक्ष राज ठाकरे यांचीही ईडीने चौकशी केली होती. त्यानंतर आता जयंत पाटील यांना ईडीने चौकशीसाठी पाचारण केले आहे. याप्रकरणी सर्वप्रथम दिल्लीतील आर्थिक गुन्हे शाखेने गुन्हा नोंदवला होता. त्यानंतर या आर्थिक गैरव्यवहाराची व्याप्ती पाहता हे प्रकरण ईडीकडे सोपवण्यात आले होते.
‘कर्नाटक मॉडेल’ इतर राज्यातही राबवता येईल, भाजपच्या पराभवासाठी समविचारी पक्षांनी एकत्र यावं!
‘आयएल ऍण्ड एफएस’शी माझा कोणताही संबंध नाही – जयंत पाटील
दरम्यान, ‘आयएल ऍण्ड एफएस’ या संस्थेशी माझा कोणताही संबंध नाही, त्यांच्याकडून कधी कर्जदेखील घेतले नाही. माझी राजकीय कारकीर्द ही खुली किताब आहे. मी कधीही मनी लॉण्डरिंग केले नाही, असे ईडीचे पहिले समन्स आल्यानंतर जयंत पाटील पत्रकारांशी बोलताना म्हणाले होते. बुधवारी लग्नाचा वाढदिवस होता, सायंकाळी सहा वाजता घरी नोटीस आली, पण त्या नोटिसीमध्ये काही कारण सांगितलेले नाही. पण त्यातल्या काही फाईल नंबर काढून बघितल्या तर ‘आयएल ऍण्ड एफएस’ नावाची कुठली संस्था आहे आणि त्याच्याशी माझा आयुष्यात काही संबंध आला नाही, असे पाटील म्हणाले.
महाविकास आघाडीची ‘वज्रमूठ’ सभा पुन्हा एकदा सुरू करणार- जयंत पाटील
राष्ट्रवादीच्या या नेत्यांचीही चौकशी
राष्ट्रवादीचे नेते अजित पवार, अनिल देशमुख, नवाब मलिक, हसन मुश्रीफ, छगन भुजबळ यांना यापूर्वी केंद्रीय यंत्रणांच्या चौकशीला सामोरे जावे लागले आहे.
