नगरविकासमंत्री एकनाथ शिंदे यांनी पदभार स्वीकारल्यावर सर्वप्रथम मुंबई मेट्रो-3 प्रकल्पाची पाहणी केली. एकनाथ शिंदे यांनी दक्षिण मुंबईतील आझाद मैदान येथील भुयारी मार्गाने प्रवास करत गिरगावातील काळबादेवी मेट्रो स्थानकापर्यंतच्या भुयारी मार्गाची पाहणी केली.
मेट्रो-३ च्या छत्रपती शिवाजी महाराज टर्मिनस स्थानकाला आज भेट देऊन भुयारीकरणाचा तसेच काळबादेवी येथे सुरू असलेल्या एनएटीएम कामाचा आढावा घेतला. याप्रसंगी उपस्थित #MMRC चे एमडी व वरिष्ठ अधिकारी यांना संबंधित निर्देश दिले. #MumbaiMetro #Metro3 pic.twitter.com/CVvK4yJheu
— Eknath Shinde – एकनाथ शिंदे (@mieknathshinde) December 14, 2019
मेट्रो कारशेडच्या जागेला स्थगिती दिल्यामुळे अन्य पर्यायी जागेसंदर्भात काम सुरू असून स्वतः मुख्यमंत्री उद्धव ठाकरे या प्रकल्पात लक्ष घालत असल्याची माहितीही एकनाथ शिंदे यांनी यावेळी दिली.
मेट्रो-3 प्रकल्पाची वैशिष्टय़े
- एकूण 33 किमीचा भुयारी मार्ग.
- एकूण मेट्रो 27 स्थानके
- एकूण प्रकल्प खर्च 23136 कोटी रुपये.
- आतापर्यंत 51 टक्के काम पूर्ण.
- 17 कटर मशीनने भुयाराचे खोदकाम सुरू.
- भुयाराचे 72 टक्के काम पूर्ण.
- मेट्रो 3 चा पहिला टप्पा.
- मेट्रो-3 चा दुसरा टप्पा बीकेसी ते कफ परेड हा मार्ग जून 2022 पर्यंत सुरू होणार.
