पाकिस्तानच्या माजी क्रिकेटपटूने ट्विट करत सर्वांना दिवाळीच्या शुभेच्छा दिल्या आहेत. एवढेच नाही तर या क्रिकेटपटूने राम मंदिरात भेट देण्याची इच्छा देखील व्यक्त केली आहे. त्यामुळे येत्या काळात हा पाकिस्तानी क्रिकेटपटूने हिंदुस्थानातील भगवान श्रीरामाचा जन्म झालेल्या अयोध्येला भेट देण्याची शक्यता आहे.
पाकिस्तानचा हा क्रिकेटर दुसरा कोणी नसून दानिश कनेरिया आहे. पाकिस्तानचा माजी फिरकी गोलंदाज दानिश कनेरिया याने सोमवारी जगभरातील हिंदूंना दिवाळीच्या शुभेच्छा दिल्या आणि आपण लवकरच प्रभू श्री रामाच्या मंदिराला भेट देणार असल्याचे म्हटले आहे.
Jai Shree Ram happy Diwali to all around the Globe .My aim is to visit RAM Mandir Ram Bhagwan I will come
— Danish Kaneria (@DanishKaneria61) October 24, 2022
दानिश कनेरिया यांनी ट्विट केले की, “जय श्री राम. संपूर्ण जगाला दिवाळीच्या खूप खूप शुभेच्छा. राम मंदिर राम भगवानचे दर्शन घेण्याचे माझे ध्येय आहे, त्यामुळे मी लवकरच येईन.”
दानिश कनेरिया, ज्याचे पूर्ण नाव दानिश प्रभाशंकर कनेरिया असे आहे, अनिल दलपत यानंतरचा दुसरा हिंदू आणि आंतरराष्ट्रीय क्रिकेटमध्ये पाकिस्तानचे प्रतिनिधित्व करणारा तो सातवा गैर-मुस्लिम खेळाडू आहे. कनेरियाने पाकिस्तानसाठी 61 कसोटी सामने खेळले आणि 34.79 च्या सरासरीने 261 बळी घेतले. त्याने 18 एकदिवसीय सामनेही खेळले, ज्यामध्ये त्याला केवळ 15 विकेट घेता आल्या.
