सामना प्रतिनिधी। न्हावाशेवा
उरण- पनवेल रोडवर दास्तान फाटा जवळ एका अज्ञात भरधाव वाहनाने दुचाकीस्वाराला धडक दिल्याने एकाचा मृत्यू झाला. धर्मेंद्रसिंग प्रतापसिंग ठाकूर (54) असे या व्यक्तीचे नाव आहे. धर्मेंद्रसिंग ठाकूर हे जेएनपीटीमध्ये नोकरी करत होते. धर्मेद्रसिंग ठाकूर हे स्कूटीने आपल्या घरी परतत असताना अज्ञात भरधाव वाहनाने त्यांच्या स्कूटीला धडक दिली. त्यामध्ये ते गंभीर जखमी झाले होते. या बाबत बुधवार 30 रोजी गुन्हा दाखल करण्यात आला असून सहाय्यक पोलीस निरिक्षक एस.जी. काठे हे अधिक तपास करत आहेत.
