उत्तर मुंबईतील 13 गुंडांचे पोलिसांनी तीनतेरा वाजविले आहेत. दहिसर समतानगर, दिंडोशी, वनराई, कुरार या पोलीस ठाण्यांत दहशत माजविणाऱया 13 गुंडांना दोन वर्षांसाठी मुंबईतून तडीपार करण्यात आल्याचे उत्तर परिमंडळ-3च्या वतीने प्रसिद्ध करण्यात आले आहे.
घातक शस्त्र्ाांचा वापर करून दहशत निर्माण करणे, नागरिकांना व व्यापाऱ्यांना घाबरवून त्यांच्याकडून खंडणी वसूल करणे, न दिल्यास रस्त्यात मारहाण करणे आदी कार्यपद्धती असलेल्या खालील गुंडांना तडीपार करण्यात आल्याचे पोलिसांनी जारी केले आहे.
नईम शहाबुद्दीन धोबी (30, वनराई, गोरेगाव-पूर्व), सुभाष मोतीलाल पटेल (41, कुरार, मालाड-पूर्व), योगेश बाबुराव वाघमारे (30, कांदिवली-पूर्व), सुरेश विजयमाला ऊर्फ नेपल्या (35, दहिसर, केतकीपाडा), अजय दिनेश द्विवेदी (34, वनराई-गोरेगाव-पू.), धीरज विजय गोरेगावकर (34, दिंडोशी-गोरेगाव), जतीन बबन जावळे ऊर्फ जेत्या (25, समतानगर), जयप्रकाश पुदिमा पुरावेल ऊर्फ बाबू (29, समतानगर), दीपांशु जयशंकर सिंग (27, समतानगर, कांदिवली-पूर्व), आशीष विनोद यादव (29, दहिसर, वैशाली नगर), कुशल सुभाष दुबे (40, यशवंत तावडे रोड, दहिसर-पूर्व), आयुष सखर अली अन्सारी (26, शांतीनगर डोंगरी, दहिसर-पूर्व), महेश अमरसिंग चौहाण ऊर्फ भांज्या (35, दहिसर-पूर्व, रावळपाडा) अशी मुंबईबाहेर तडीपार करण्यात आलेल्या आरोपींची नावे आहेत.
ही कारवाई मुंबईची कायदा आणि सुव्यवस्था सांभाळणारे सहपोलीस आयुक्त मनोजकुमार शर्मा, अतिरिक्त पोलीस आयुक्त शशीकुमार मीना यांच्या मार्गदर्शनाखाली उत्तर परिमंडळ-3चे उपायुक्त गजानन राजमाने व त्यांच्या सहकाऱ्यांनी केली.
