ब्लॉकबस्टर ‘रेड चित्रपटानंतर अजय देवगनने पुन्हा रेड 2 या चित्रपटाची घोषणा केली आहे. या चित्रपटाचे दिग्दर्शक राजकुमार गुप्ता आणि निर्माते भूषण कुमार, कुमार मंगल पाठक, अभिषेक पाठक आणि कृष्ण कुमार आहेत. इन्कम टॅक्स डिपार्टमेंटच्या अनसन्ग हिरोंची आठवण करून देणारा ‘रेड 2’ जुन्या फाईल्समधून आणखी एक सत्यकथा सांगण्यासाठी सज्ज झाला आहे.
‘रेड 2’ सोबत, अजय देवगण पुन्हा एकदा त्याच्या IRS अमय पटनायकच्या भूमिकेत आहे. कारण त्याला एक नवीन टीप मिळाली आहे आणि आणखी एक घोटाळा उघड करण्याच्या मोहिमेवर आहे. पण यावेळी तो कोणाच्या घरी येणार? हे जाणून घेण्यासाठी आपल्याला आणखी काही महिने प्रतीक्षा करावी लागेल. आत्तापर्यंत, चित्रपटाचे शूटिंग मुंबईत 6 जानेवारीपासून सुरू झाले आहे. दिल्ली, उत्तर प्रदेश आणि राजस्थानमध्येही त्याचे चित्रीकरण केले जाईल.
टी-सीरीजने आपल्या सोशल मीडिया हँडल इन्स्टाग्रामवर अजय देवगण स्टारर ‘रेड 2’ चे पोस्टर शेअर केले आहे. यासोबतच ‘प्रतीक्षा संपली’ असे कॅप्शन लिहिले आहे. अजय देवगण ‘रेड 2’ मध्ये आयआरएस अधिकारी अमय पटनायकच्या भूमिकेत परतला आहे. 15 नोव्हेंबर 2024 रोजी हा चित्रपट प्रदर्शित होणार आहे.
View this post on Instagram
