हरियाणाच्या पानीपतमधून एक खळबळजनक घटना समोर आली आहे. पानीपतमधील नामुंडा या गावात हत्येची घटना घडली आहे. गावातील एक मुलगी प्रियकरासोबत पळून जात असताना तिच्या भावाला या घटनेची खबर लागली. या 18 वर्षाच्या भावाने पाठलाग सुरू केला पण त्याला प्राण गमवावा लागला.
तो पाठलाग करत असताना, बहिणीच्या प्रियकराने आपल्या मित्रांना आणि कुटुंबीयांना बोलावले. त्यांनी भाऊ ‘वंश’ला जोरदार मारहाण केली, ज्यामुळे तो गंभीर जखमी झाला आणि काही तास रस्त्यावर विव्हळत पडला होता.
वंशच्या कुटुंबीयांना घटनेची माहिती मिळताच ते घटनास्थळी पोहोचले आणि त्याला दवाखान्यात घेऊन गेले. जिथे उपचारादरम्यान त्याचा मृत्यू झाला. कुटुंबातील सदस्यांनी प्रियकर आणि त्याच्या कुटुंबीयांवर विषारी पदार्थ खाऊ घालून मारहाण करून त्याचा खून केल्याचा आरोप केला आहे.
वंशचे काका प्रवीण म्हणाले की, नामुंडा गावच्या वंशला आपल्या मोठ्या बहिणीवर कोणाशी चुकीचे संबंध असल्याचा संशय आला होता. वंशने यापूर्वी दोन-तीन वेळा आपल्या बहिणीला आणि तिच्या प्रियकराला समजावून सांगितले होते की, असे करू नका. वंशाच्या बहिणीने आणि तिच्या प्रियकराने त्याला धमकावले की आमच्यात येऊ नको, नाही तर आपण जिवे मारू.
गुरुवारी वंशची बहिण कॉलेज बहाणा करून घराबाहेर पडली. नामुंडा गावातून रिक्षामध्ये बसून कॉलेजमध्ये आली. तिथून ती प्रियकरासह पळून गेली.
काका म्हणाले की, वंशनेही आपल्या बहिणीला व तिच्या प्रियकराला रोखण्याचा प्रयत्न केला, परंतु बहिणीने नकार दिला की, मी याच्याच सोबत जाईन. यामुळे वंश खूप अस्वस्थ झाला. त्याचवेळी बहिणीच्या प्रियकराच्या कुटुंबीयांनी जेवणातून काही विषारी पदार्थ दिले आणि त्याला मारहाण केली, त्यानंतर त्याचे रुग्णालयात निधन झाले.
