उत्तर प्रदेशमधील कासगंज येथे भीषण दुर्घटना घडली आहे. गंगास्नानासाठी निघालेली भाविकांची ट्रॉली तलावात पडून 15 जणांचा मृत्यू झाला आहे. मृतांमध्ये 7 लहान मुलांचाही समावेश असून अनेक जण बेपत्ता आहेत. त्यामुळे मृतांचा आकडा वाढण्याची भीती व्यक्त केली जात आहे.
मिळालेल्या माहितीनुसार, जैथरा पोलीस स्थानकांतर्गत येणाऱ्या नगलाकसा गावातील भाविक माघ पौर्णिमेनिमित्त गंगा नदीत स्नान करण्यासाठी ट्रॅक्टर ट्रॉलीद्वारे निघाले होते. ट्रॅक्टर ट्रॉलीमध्ये जवळपास 45 लोकं होते. यात लहान मुलं, महिला आणि पुरुषांचा समावेश होता. सकाळी साडे साडे नऊच्या सुमारास निघालेली ही ट्रॅक्टर ट्रॉली साडे दहाच्या सुमारासर पटियाली पोलीस स्थानकांतर्गत येणाऱ्या दरियावगंज येथे पोहोचला. मात्र चालकाचे नियंत्रण सुटल्याने ट्रॅक्टर ट्रॉली भाविकांसह थेट तलावात पडली.
#WATCH | Uttar Pradesh: A trolley carrying devotees overturned in Kasganj this morning, resulting in the death of 15 persons including children.
On the accident, SP Kasganj Aparna Rajat Kaushik says, “… A Police team was rushed to the spot immediately. The injured were… pic.twitter.com/vSjcovCJJf
— ANI UP/Uttarakhand (@ANINewsUP) February 24, 2024
भाविकांच्या किंचाळ्या ऐकून आसपासच्या लोकांनी तलावाच्या दिशेन धाव घेतली. ट्रॉलीतील लोकांची संख्या आणि तलावाची खोलीही जास्त असल्याने लोकांचे त्यात उतरण्याचे धाडस झाले नाही. त्यामुळे थोड्याच भाविकांना बाहेर काढण्यात यश आले. दरम्यान, दुर्घटनेची माहिती मिळताच पोलीस आणि प्रशासनाच्या अधिकाऱ्यांनीही घटनास्थळ गाठले. कासगंजच्या डीएम, एसपींनी मदत आणि बचावकार्याचा आढावा घेतला. या दुर्घटनेत आतापर्यंत 15 भाविकांचा मृत्यू झाला असून काही लोकं जखमी आहेत. जखमींना स्थानिक रुग्णालयात दाखल करण्यात आले आहे. काही भाविक बेपत्ता असून त्यांचा शोध सुरू असल्याचे अधिकाऱ्यांनी सांगितले.
#WATCH | Uttar Pradesh: A trolley carrying devotees overturned in Kasganj this morning, resulting in the death of 15 persons including children.
On the accident, DM Kasganj Sudha Verma says, “Some devotees from Etah were travelling to Kasganj this morning, when the trolley… pic.twitter.com/3VKohTQarg
— ANI UP/Uttarakhand (@ANINewsUP) February 24, 2024
आर्थिक मदत जाहीर
दरम्यान, उत्तर प्रदेशचे मुख्यमंत्री योगी आदित्यनाथ यांनी कासगंज दुर्घटनेवर शोक व्यक्त केला आहे. मृतांच्या कुटुंबियांप्रती संवेदना व्यक्त करत योगींनी आर्थिक मदतही जाहीर केली. मृतांच्या कुटुंबियांना 2 लाख, तर जखमींना 50 हजार रुपयांची मदत देण्याची घोषणा करत जखमींवर निशुल्क उपचार करण्याचे निर्देशही दिले.
