शिवसेनाप्रमुखांचा स्मृतिदिन- शिवाजी पार्क परिसरातील वाहतूक व्यवस्थेत बदल

शिवसेनाप्रमुख बाळासाहेब ठाकरे यांचा दहावा स्मृतिदिन गुरुवारी आहे. त्यामुळे बाळासाहेब ठाकरे यांच्या स्मृतिस्थळाचे दर्शन घेण्यासाठी लाखो शिवसैनिक व नागरिक शिवतीर्थावर येणार आहेत. त्यामुळे शिवाजी पार्क परिसरात होणारी अलोट गर्दी लक्षात घेता मुंबई पोलिसांनी गुरुवारी वाहतूक व्यवस्थेत आवश्यक ते बदल केले आहेत.

खालील मार्गावर वाहने उभी करण्यास प्रतिबंध असेल
एस.व्ही.एस. रोड, (सिद्धिविनायक मंदिर जंक्शन ते येस बँक जंक्शन)
केळुसकर रोड (दक्षिण) आणि केळुसकर रोड (उत्तर), दादर
एम.बी. राऊत मार्ग, (एस.व्ही.एस. रोड ते एल.जे. रोड) दादर
पांडुरंग नाईक मार्ग, (रोड नं. 5 जंक्शन ते एल.जे. रोड) दादर
दादासाहेब रेगे मार्ग, (सेनापती बापट पुतळा ते गडकरी चौक) दादर
दिलीप गुप्ते मार्ग, (शिवाजी पार्क गेट क्र. 4 ते शीतलादेवी रोड) दादर
एन.सी. केळकर मार्ग (हनुमान मंदिर ते गडकरी चौक), दादर

खालील मार्गावर वाहतुकीस अडथळा न करता वाहने उभी करण्यास परवानगी देण्यात आली आहे
संपूर्ण सेनापती बापट मार्ग, माहीम ते दादर
पाच उद्यान (फाइव्ह गार्डन) परिसर माटुंगा
लखमशी नप्पू रोड, हिंदू कॉलनी, माटुंगा

खालील मार्गावर वाहनांना प्रवेशबंदी करण्यात आली आहे
स्वातंत्र्यवीर सावरकर मार्ग (सिद्धिविनायक मंदिर जंक्शन ते येस बँक जंक्शन)
राजा बढे चौक जंक्शन ते केळुसकर मार्ग उत्तर जंक्शन येथपर्यंत
दिलीप गुप्ते मार्ग, पांडुरंग नाईक मार्ग जंक्शन येथून दक्षिण वाहिनी
गडकरी चौक येथून केळुसकर रोड दक्षिण व उत्तर
दादासाहेब रेगे मार्ग, सेनापती बापट पुतळा येथून गडकरी जंक्शनपर्यंत
बाळ गोविंददास मार्ग, पद्माबाई ठक्कर मार्ग जंक्शन, सेनापती बापट रोडपासून पश्चिम दिशेला लेडी जमशेदजी मार्गापर्यंत