जपान आणि स्वीडन यांनी तोडीस तोड खेळ केल्यामुळे हा सामना बरोबरीत सुटला. विश्वचषकाच्या साखळी फेरीच्या सामन्यात दोन्ही संघांमध्ये 1-1 अशी बरोबरी झाली. पण या बरोबरीनंतर दोन्ही संघ बाद फेरीत पोहोचले आहेत.
जपानने या सामन्यात आपले गोलचे खाते उघडले. माएदाने पेनल्टी एरियामध्ये रित्सू डोआनचा एक अप्रतिम पास आपल्या डाव्या पायाने अडवला आणि जेकब विडेल-जेटस्ट्रॉमला सहज हरवून उजव्या पायाने गोल केला. त्यामुळे जपानकडे आघाडी आली होती. हा जपानचा स्पर्धेतील सातवा गोल होता, जो एकाच विश्वचषकातील देशाची सर्वोत्तम कामगिरी आहे. पण ही आघाडी फक्त सहा मिनिटेच टिकू शकली.
स्वीडनच्या एलांगाने 62 व्या मिनिटाला बॉक्सच्या उजव्या कोप्रयाबाहेरून डाव्या पायाने जोरदार फटका मारून स्पर्धेतील आपला दुसरा गोल केला आणि संघाला बाद फेरीत स्थान मिळवून देण्यात महत्त्वाची भूमिका बजावली. जपानने नेदरलँड्सच्या मागे गट ‘एफ’ मध्ये दुसरे स्थान मिळवले आणि सोमवारी ह्यूस्टनमध्ये एका बलाढय़ ब्राझिलियन संघाविरुद्ध खेळेल.
