उपवास करताना बटाटे खाण्याचे अनेक फायदे आहेत. बटाटा हा ऊर्जेचा चांगला स्रोत आहे. त्यामध्ये कार्बोहायड्रेट्सचे प्रमाण जास्त असल्याने उपवासाच्या काळात शरीराला ऊर्जा मिळण्यास मदत होते.
उपवासाच्या वेळी बटाटे सालीसह खावेत, जेणेकरून शरीरात पोषक तत्त्वांची कमतरता भासू नये. बटाटा केवळ पौष्टिक गरजा पूर्ण करण्यास मदत करत नाही, तर त्यामध्ये असलेले काही पोषक घटक शरीरासाठी फायदेशीर ठरू शकतात. बटाट्याच्या सालीला पोषक तत्त्वांचे पॉवरहाऊसदेखील मानले जाते.
बटाट्याच्या सालीमध्ये कोणते जीवनसत्त्व आढळते?
बटाट्याच्या सालीमध्ये व्हिटॅमिन बी, व्हिटॅमिन सी, लोह, कॅल्शियम, पोटॅशियम आणि इतर पोषक तत्त्वे असतात. जर तुम्ही मध्यम आकाराचा भाजलेला बटाटा सालीसह खाल्ला, तर त्यातून सुमारे ४ ग्रॅम फायबर, २ मिलीग्रॅम लोह आणि मोठ्या प्रमाणात पोटॅशियम मिळू शकते.
उपवासात बटाटे खाण्याचे फायदे
बटाट्यामध्ये असलेले व्हिटॅमिन सी आणि इतर अँटीऑक्सिडंट्स शरीराच्या सामान्य प्रतिकारशक्तीला आधार देण्यास मदत करतात. बटाट्यातील फायबर पचनक्रिया सुरळीत ठेवण्यासही मदत करू शकते. याशिवाय पोटॅशियम, व्हिटॅमिन सी आणि इतर पोषक घटक शरीरासाठी उपयुक्त आहेत.
उकडलेले बटाटे काही लोकांना पचण्यास तुलनेने सोपे जाऊ शकतात. त्यामुळे पोट शांत ठेवण्यास आणि पोटातील अस्वस्थता कमी करण्यास मदत होऊ शकते.
उकडलेले बटाटे तोंडाच्या अल्सरसाठीही फायदेशीर ठरू शकतात, असे मानले जाते. तसेच वजन वाढवू इच्छिणाऱ्या व्यक्तींसाठी बटाटा आहारातील कॅलरी वाढवण्याचा एक पर्याय ठरू शकतो.
उपवासासाठी बटाट्याचा कीस
साहित्य: बटाटे, दाण्याचे कूट, मीठ, मिरच्या, तूप आणि जिरे.
कृती: बटाटे स्वच्छ धुवून, साले काढून किसून घ्यावेत. नंतर किस पाण्याने स्वच्छ धुवून पिळून ठेवावा. कढईत तूप गरम करून त्यात जिऱ्याची फोडणी करावी. त्यावर मिरच्यांचे तुकडे आणि बटाट्याचा किस घालून परतावे. त्यानंतर त्यात दाण्याचे कूट आणि मीठ घालून चांगले ढवळावे व झाकण ठेवावे. मधूनमधून कीस हलवावा. कीस व्यवस्थित शिजल्यानंतर गॅस बंद करावा. गरमागरम बटाट्याचा कीस खायला घ्यावा.
