हिंदुस्थानी नौदलाची सागरी सुरक्षा आणि शोधमोहिमांची ताकद आता अधिक बळकट होणार आहे. ३१ ऑगस्ट २०२६ रोजी मुंबईतील नेव्हल डॉकयार्ड येथे निस्तार श्रेणीतील दुसरे स्वदेशी बनावटीचे जहाज ‘निपुण’ अधिकृतपणे नौदलाच्या ताफ्यात समाविष्ट केले जाणार आहे. पीआयबीने दिलेल्या माहितीनुसार, या जहाजाच्या समावेशामुळे नौदलाच्या खोल समुद्रातील मोहिमांना गती मिळेल.
‘निपुण’ जहाजाची प्रमुख वैशिष्ट्ये
हे अत्याधुनिक जहाज विशाखापट्टणम येथील हिंदुस्थान शिपयार्ड लिमिटेडने (HSL) पूर्णपणे स्वदेशी तंत्रज्ञानाने डिझाइन करून तयार केले आहे.
नौदलात या विशेष जहाजाचा समावेश झाल्यामुळे, खोल समुद्रातील गोताखोरी आणि पाण्याखालील मदत व बचाव कार्यांच्या क्षमतेत लक्षणीय वाढ होईल.
या जहाजाची सर्व प्रकारची तांत्रिक आणि क्षमता चाचणी यशस्वीरीत्या पूर्ण झाल्यानंतर, गेल्या महिन्यात ३० जुलै २०२६ रोजी हे जहाज अधिकृतपणे हिंदुस्थानी नौदलाकडे सुपूर्द करण्यात आले होते.
