गुरुवारी देशभरात प्रजासत्ताक दिन उत्साहात साजरा करण्यात आला. विशेष बाब म्हणजे यावेळी सेंट्रल व्हिस्टा प्रकल्प आणि ड्युटी पाथच्या बांधकामाशी संबंधित मजुरांना परेड पाहण्यासाठी विशेष पास देण्यात आले. त्यांना व्हीव्हीआयपींऐवजी पहिल्या रांगेत बसवण्यात आले. पंतप्रधान मोदींनीही या मजुरांना शुभेच्छा दिल्या. या कामगारांमध्ये गार्डनर सुख नंदन यांचाही समावेश होता.
सुख नंदन यांनी सांगितले की, जेव्हा पीएम मोदी त्यांना भेटायला आले तेव्हा पंतप्रधानांना इतक्या जवळ पाहून खूप आनंद झाला. पण जेव्हा त्यांना विचारण्यात आले की संधी मिळाली तर ते पंतप्रधान मोदींना काय बोलतील? त्यावर त्यांनी सांगितले की, त्यांच्या जुन्या कंत्राटदाराने 44 दिवसांपासून त्यांची मजुरी दिली नाही, अशा परिस्थितीत ते पीएम मोदींकडे मजुरी मिळावी अशी विनंती करणार आहेत. आजतक ने हे वृत्तप्रसिद्ध केले आहे.
सुख नंदन हे मध्य प्रदेशचे रहिवासी
पीटीआय या वृत्तसंस्थेनुसार, सुख नंदन मध्य प्रदेशातील निवारी जिल्ह्यातील रहिवासी आहे. पंतप्रधान मोदींना इतक्या जवळून पाहून खूप आनंद झाला, असे ते म्हणाले. त्यांनी सांगितले की, जेव्हा पीएम मोदी जवळ आले आणि त्यांनी हस्तांदोलन करून त्यांचे स्वागत केले तेव्हा त्यांना खूप आनंद झाला. ते म्हणाले, अशा कार्यक्रमाचा भाग बनून मला आनंद होत आहे. प्रजासत्ताक दिनाला मी खास पाहुणे म्हणून येईन असे कधीच वाटले नव्हते.
मात्र, संधी मिळाल्यास ते पंतप्रधान मोदींना काय बोलतील, असे विचारले असता? यावर ते म्हणाले की, मी पंतप्रधान मोदींना माझे वेतन मिळण्यास मदत करण्यास सांगेन.
नंदन गेल्या 2 महिन्यांपासून इंडिया गेट येथील उद्यान विभागात कार्यरत आहे. यापूर्वी तो आंध्र भवनमध्ये कंत्राटदारामार्फत काम करत होता.
नंदन यांनी सांगितले की, ठेकेदाराने 44 दिवसांचा पगार देण्यास नकार दिला. नंदनचा दावा आहे की त्याच्याकडे हजेरी रजिस्टरची एक प्रत देखील आहे, ज्याद्वारे तो 44 दिवस आपली उपस्थिती सिद्ध करू शकतो. इंडिया गेटजवळ तात्पुरत्या तंबूत नंदन पत्नी आणि मुलासोबत राहत आहे. कंत्राटदार पगार देण्यास तयार नसल्याचे त्यांनी सांगितले. त्यामुळे मी त्याचे ब्रश कटर परत करण्यास नकार दिला. नंदनने सांगितले की, त्याने ठेकेदाराला माझा पगार द्या आणि माल परत घ्या असे सांगितले आहे.
स्थानिक स्वराज्य संस्था खाजगी कंत्राटदारांना कामे आउटसोर्स करतात. हे कंत्राटदार सरकारने ठरवून दिलेल्या दराने मोबदला देण्याचे आश्वासन देऊन मजुरांना कामावर घेतात. अनेकवेळा या कामगारांची पिळवणूक होते आणि कंत्राटदार एक ना कारण देऊन त्यांचे वेतन देण्यास नकार देतात.
नंदन यांच्या म्हणण्यानुसार, गार्डनरचा पगार स्थानिक संस्थेने 14,586 रुपये निश्चित केला आहे. अशा परिस्थितीत माझा 44 दिवसांचा पगार सुमारे 21000 रुपये झाला. मात्र ठेकेदार केवळ सहा हजार रुपये देण्याचे बोलत आहे. एवढेच नाही तर कंत्राटदार त्याच्या मालासाठी एफआयआर करण्याची धमकीही देत असल्याचे नंदनने सांगितले. मला सरकारकडून काही मदत मिळाली तर मी ऋणी राहीन, असेही ते म्हणाले.
त्याचवेळी नंदनचे जुने कंत्राटदार जितेन उपाध्याय यांच्याशी संपर्क साधला असता त्यांनी काही वादामुळे पगार झाला नसल्याचे सांगितले. ठेकेदाराने सांगितले की मला वाटते 21000 रुपये शिल्लक नाहीत. असे असूनही तो ब्रश कटर देत नाही. त्याला आधी ते परत करावे लागेल.
