आगरी सेनेचे अध्यक्ष राजाराम साळवी यांच्या नेतृत्वाखाली कार्यरत असणाऱया आगरी सेनेच्या शिष्टमंडळाने मातोश्री निवासस्थानी शिवसेना पक्षप्रमुख उद्धव ठाकरे यांची सदिच्छा भेट घेतली. या शिष्टमंडळात आगरी सेनेचे ठाणे ग्रामीण प्रमुख नारायण अंदाडे, रायगड जिल्हाप्रमुख सचिन मते, मुंबई जिल्हाप्रमुख जयेंद्र खुणे, ठाणे जिल्हाप्रमुख चंद्रकांत ठणकर, महाराष्ट्र कार्यकारिणी सदस्य शंकर भगत, युवा आगरी सेनेचे अध्यक्ष अभिजित अंदाडे यांचा समावेश होता. या वेळी शिष्टमंडळाची उद्धव ठाकरे यांच्याशी सकारात्मक चर्चा झाली. या वेळी शिवसेनेच्या पालघर लोकसभेच्या उमेदवार भारती कामडी, पालघर लोकसभा संपर्कप्रमुख मिलिंद वैद्य उपस्थित होते.
