चीनचे राष्ट्राध्यक्ष शी जिनपिंग आणि अमेरिकेचे राष्ट्राध्यक्ष डोनाल्ड ट्रम्प यांच्यात व्हाईट हाऊसमध्ये द्विपक्षीय चर्चा झाली. मात्र, अमेरिकेतील कोणत्याही मोठय़ा वृत्तवाहिनीने या भेटीचे थेट प्रक्षेपण न करत या भेटीवर अमेरिकेतील प्रसारमाध्यमांनी बहिष्कारच टाकला. व्हाईट हाऊसने सीएनएन, एमएस नाऊ आणि पॉलिटीकोच्या पत्रकारांवर बंदी घातली आहे. त्याचा माध्यमांनी निषेध केला. दरम्यान, जिनपिंग यांनी एआयच्या मुद्यावरुन इशारा दिला. तसेच अमेरिका आणि चीनने संघर्ष टाळायला हवे, अशी भूमिका मांडली.
आयआयटीबाहेर काँग्रेसचे तीव्र आंदोलन
साहिल वाकोडे या मागासवर्गीय विद्यार्थ्याचा जातीवाचक व मानसिक छळ केल्यामुळेच त्याने आत्महत्या केली. ही आत्महत्या नसून संस्थेने केलेली हत्या आहे. साहिलच्या आत्महत्येस संस्थेतील प्राध्यापक सूर्यनारायण डुल्ला हे जबाबदार असून त्यांच्यावर कठोर कारवाई करण्याऐवजी त्यांचा बचाव केला जात आहे, असा आरोप काँग्रेसने केला आहे. साहिलच्या आत्महत्या प्रकरणाची सखोल चौकशी करा, पण त्याआधी संबंधितांना अटक करा, अशी मागणी मुंबई काँग्रेस अध्यक्ष खासदार वर्षा गायकवाड यांनी केली आहे.
