>> मृणाल घनकुटे
मे महिना म्हणजे लग्नाचा सीझन! लग्न हा तुमच्या आयुष्यातील सर्वात महत्त्वाचा दिवस असतो व त्या दिवशी आपण सुंदर आणि तेजस्वी दिसावे हे प्रत्येकालाच वाटत असतं, परंतु सुंदर व नितळ त्वचा मिळवण्यासाठी खूप आधीपासून तिची काळजी घेतली तरच तुम्ही तुमच्या लग्नाच्या स्पेशल दिवशी अगदी सर्वोत्तम दिसाल. याबद्दल यवाना एस्थेटिक क्लिनिकच्या स्किन स्पेशालिस्ट डॉ. माधुरी अगरवाल यांनी केलेले मार्गदर्शन…
प्री-ब्राइडल स्किन केअर टिप्स
फेस स्पा – लग्नाच्या 6 महिने आधी सुरुवात करा. फेस स्पा उत्तम आहे, पण तो तुम्हाला झटपट परिणाम देऊ शकत नाही. हे सातत्याने आणि योग्य वेळी करणे आवश्यक आहे. जेणेकरून तुम्हाला फायदे मिळू शकतील. जर तुमच्याकडे जास्त वेळ नसेल, तर तुम्ही महिन्यातून दोनदा गोल्ड फेशियल करू शकता.
हेअर स्पा – तणाव आणि प्रदूषणामुळे केसांची चमक कमी होऊ लागते. ती पुन्हा मिळवण्यासाठी हेअर स्पासाठीही महिन्यातून एकदा जाणे पुरेसे असावे.
एक्सपहलिएशन – ग्लोइंग स्किनसाठी स्किन केअर दिनचर्यामधली ही एक पायरी आहे. जी अनेक जण सोडून देतात किंवा विसरतात हे दोन्ही करू नका. विशेषतः तुम्ही वधू असाल तर… नियमित एक्सपहलिएशन तुमच्या त्वचेला श्वास घेण्यास मदत करते. कारण ते त्वचेवरील मृत पेशी काढून टाकते आणि त्वचा गुळगुळीत करते. तुम्हाला तुमच्या त्वचेवर खरखरीत स्क्रब लावण्याची गरज नाही. तुम्ही फक्त योग्य घटक असलेली उत्पादने खरेदी करू शकता. जे तुमच्या त्वचेला हळुवारपणे एक्सपहलिएट करू शकतात. दररोज त्वचा एक्सपहलिएट करू नये. आठवडय़ातून एकदा किंवा दोनदा पुरेसे आहे. लग्नाच्या किमान सहा महिने आधी सुरुवात करावी.
सीटीएम दिनचर्या – ग्लोइंग स्किनसाठी क्लिनिझिंग, टोनिंग आणि मॉइश्चरायझिंग (सीटीएम) या चांगल्या स्किन केअर दिनचर्यासाठी तीन आवश्यक पायऱया आहेत. आपल्या त्वचेच्या प्रकारानुसार उत्पादने निवडा. कोणतेही नुकसान टाळण्यासाठी दिवसा सनस्क्रीनसह वापरायचे विसरू नका.
क्लिनिकल उपचार – तुमच्या त्वचेवर खूप खुणा आणि डाग आहेत का? कोणत्याही हायपरपिग्मेंटेशनसाठी क्लिनिकल उपचार हा एक चांगला पर्याय आहे. त्वचा तज्ञांच्या सल्ल्याने मायक्रोडर्माब्रेशन, रासायनिक साल किंवा इतर कोणतेही उपचार करता येतील. सहा महिन्यांचा कोर्स तुमची त्वचा बरे होण्यास आणि उजळून दिसण्यास मदत करेल.
झोप – तुमच्या डोळय़ांखाली सूज किंवा काळी वर्तुळे आहेत का? पुरेशी झोप घेणे आणि भरपूर पोषण असलेला चांगला आहार घेणे ही एकमेव गोष्ट काम करू शकते. किमान 8 ते 10 तासांची झोप घेणे महत्त्वाचे आहे. तुमच्या लग्नाच्या किमान सहा महिने आधी तुमचे झोपेचे चक्र नियमित करा.
हायड्रेट – स्वतःला हायड्रेट करणे गरजेचे आहे. किमान 8-10 ग्लास पाणी पिणे महत्त्वाचे आहे. हायड्रेशनमुळे त्वचा स्वच्छ होण्यास मदत होते. यामुळे मुरुमे आणि त्यानंतरच्या खुणा टाळता येतील.
तुम्ही तुमच्या लग्नाच्या 3 ते 6 महिन्यांपूर्वी प्री-ब्राइडल रूटीन सुरू करू शकता. तुम्हाला आहारातील बदल, व्यायाम आणि तुमची स्किन केअर दिनचर्या बदलण्याची गरज आहे. या सर्वांमुळे तुम्ही तुमच्या लग्नाच्या दिवशी पूर्णपणे सुंदर दिसाल.
तुम्ही तुमच्या आहारात बिया, नट आणि एवोपॅडोसारख्या गोष्टींचा समावेश केला पाहिजे. काजू, अक्रोड, बदाम, चिया बियाणे, फ्लेक्ससीड्स आणि सूर्यफुलाच्या बियांमध्ये ओमेगा-3 आणि ओमेगा-6 फॅटी ऑसिड असतात, त्वचा आणि केसांचे आरोग्य सुधारण्यास मदत करतात.
