चीन सध्या तीव्र हवामान आणि नैसर्गिक आपदांच्या भीषण संकटाचा सामना करत आहे. चीनच्या जिआंग्शी प्रांतातील गाओपिंग शहरात झालेल्या एका मोठ्या भूस्खलनात एका व्यक्तीचा दुर्दैवी मृत्यू झाला असून, दहाहून अधिक नागरिक ढिगाऱ्याखाली गाडले गेल्याची गंभीर शक्यता निर्माण झाली आहे.
राज्य वृत्तवाहिनी ‘सीसीटीव्ही’ने दिलेल्या माहितीनुसार, या दुर्घटनेनंतर स्थानिक प्रशासनाने तातडीने मदत व बचाव कार्य सुरू केले आहे. बचाव पथके ढिगाऱ्याखाली अडकलेल्या नागरिकांचा वेगाने शोध घेतला जात आहे. मात्र, ढिगाऱ्याखाली अडकलेल्या लोकांच्या सद्यस्थितीबद्दल अद्याप कोणतीही अधिकृत किंवा स्पष्ट माहिती समोर आलेली नाही.
दुसरीकडे, चीनच्या किनारपट्टीच्या भागात ‘सौदेल’ चक्रीवादळाने धुमाकूळ घातला आहे. या चक्रीवादळामुळे फुजियान आणि ग्वांगडोंग प्रांतातील अनेक भागांमध्ये मुसळधार पाऊस आणि पूरस्थिती निर्माण झाली आहे. शुक्रवारी आलेल्या पुराच्या प्रचंड पाण्यामुळे अनेक घरे आणि चहाचे मळे पूर्णपणे पाण्याखाली गेले आहेत. फुडिंग शहरात आलेल्या अचानक पुरामुळे एक तीन मजली इमारत कोसळल्याची घटना घडली आहे. येथे कमरेएवढ्या पाण्यातून मार्ग काढत अग्निशमन दलाच्या जवानांनी अनेक वृद्ध नागरिकांना सुरक्षित बाहेर काढले.
सतत होणारा मुसळधार पाऊस, अचानक येणारा पूर आणि भूस्खलनाचा वाढता धोका लक्षात घेता प्रशासनाने खबरदारीचे पाऊल उचलले आहे. प्रभावित क्षेत्रांतील शाळा व पर्यटन स्थळे तात्पुरती बंद करण्यात आली
