नोल चक्रीवादळामुळे दक्षिण चीनमध्ये रविवारी मुसळधार पाऊस पडला. या पावसामुळे शुआंगशिमेन या पर्यटनस्थळी अचानक पूर आला. या पुरामुळे 10 जणांचा मृत्यू झाला आणि 23 जण जखमी झाले. जखमींना उपचारासाठी रुग्णालयात पाठवण्यात आले आहे आणि इतर 174 जणांना वाचवण्यात आले आहे. गांसू प्रांतातील डिंग्शी शहरातील वेईयुआन काउंटीमधील डोंगरावरून येणाऱ्या पाण्याच्या प्रवाहात काही कॅम्पर्स अडकले होते. मुसळधार पावसामुळे चीनमधील काही शहरांमध्ये पूरस्थिती निर्माण झाली आहे.
नोल चक्रीवादळ धडकल्यानंतर दक्षिण चीनच्या मोठ्या भागांमध्ये सतर्कतेचा इशारा देण्यात आला आहे. नोल चक्रीवादळ ग्वांगडोंग प्रांताच्या किनाऱ्याकडे सरकत असल्याने, चीनच्या राष्ट्रीय हवामान केंद्राने ‘रेड अलर्ट’ जारी केला आहे.
शुआंगशिमेन हे क्षेत्र बीजिंगपासून नैऋत्येला सुमारे 1200 किलोमीटर अंतरावर आहे. शुआंगशिमेन हे नैसर्गिक दगडी कमानी, उंच डोंगराळ कुरणे आणि डोंगरावरील धबधब्यांसाठी ओळखले जाते. हे उन्हाळ्यातील कॅम्पिंगसाठी एक लोकप्रिय ठिकाण आहे.
