गेल्या वर्षी अमेरिकेत कोरोनाच्या पहिल्या लाटेने हाहाकार माजवला होता. दररोज दोन हजाराहून अधिक कोरोनाग्रस्तांचा मृत्यू होत होता. आता हिंदुस्थान देखील अमेरिकेच्या वाटेवर असून सध्या देशात दररोज दोन हजाराहून अधिक लोकांचा मृत्यू होत आहे. देशातील परिस्थिती दिवसेंदिवस भयावह होत चालाली असून हिंदुस्थानातील कोरोनाग्रस्तांचा आकडा दररोज वेगवेगळे रेकॉर्ड तोडत आहे.
India reports 2,95,041 new #COVID19 cases, 2,023 deaths and 1,67,457 discharges in the last 24 hours, as per Union Health Ministry
Total cases: 1,56,16,130
Total recoveries: 1,32,76,039
Death toll: 1,82,553
Active cases: 21,57,538Total vaccination: 13,01,19,310 pic.twitter.com/YrLu5MVdbl
— ANI (@ANI) April 21, 2021
गेल्या 24 तासात देशात 2,95, 041 कोरोनाग्रस्त आढळून आले आहेत. तर 2023 जणांचा मृत्यू झाला आहे. 24 तासात 1,67,457 कोरोनाग्रस्त बरे झाले आहेत. देशातील एकूण मृतांचा आकडा हा 1,82,553 वर पोहोचला असून देशात 21,57,538 अॅक्टिव्ह केसेस आहेत.
14 एप्रिलला देशात पहिल्यांदा दोन लाखाहून अधिक कोरोनाग्रस्त आढळले होते. आज 21 एप्रिल म्हणजेच बरोबर सात दिवसांनी हा आकडा 2 लाख 95 हजारावर पोहोचला आहे. म्हणजेच अवघ्या आठ दिवसात तब्बल लाखभर केसेस देशात वाढले आहेत. ही अत्यंत चिंतेची बाब असल्याचे समजते. रुग्णवाढीचा हा वेग अमेरिकेच्या गेल्या वर्षीच्या वेगापेक्षा दुप्पट असल्याचे समोर आले आहे.
