अमेरिका इराण शांतता कराराबाबत असलेला संभ्रम आणि जागतिक अस्थिरता याचा परिणाम सोनेचांदीच्या दरावर होत असून त्यात सातत्याने चढउतार होत आहे. दोन्ही देशातील शस्त्रसंधीनंतर सोनेचांदीचे दरात सुधारणा दिसून येत होती. मात्र, गेल्या आठवड्यात सोनेचांदीत मोठी घसरण झाली आहे. आठवड्याभरात चांदी 4,800 तर सोने 1,654 रुपयांनी स्वस्त झाले आहे.
आठवड्याभरात चांदीच्या दरात मोठी घसरण झाली असून आता ती तिच्या उच्चांकापेक्षा १.९० लाख रुपयांनी स्वस्त झाली आहे. गेल्या आठवड्यात एमसीएक्सवर चांदीच्या दरात ४,८०० रुपयांपेक्षा जास्त घसरण झाली आहे. या घसरणीनंतर चांदी आता तिच्या उच्चांकापेक्षा १.९० लाख रुपयांपेक्षा जास्त स्वस्त झाली आहे. आता १ किलो चांदीचा वायदा भाव जानेवारी महिन्यात गाठलेल्या उच्चांकावरून १.९० लाखांपेक्षा जास्त घसरला आहे.
गेल्या आठवड्यातील बहुतेक ट्रेडिंग दिवसांमध्ये चांदीच्या दरात घट झाली आहे. ३ जुलै रोजी एमसीएक्सवर चांदीचा भाव प्रति किलो २,५३७ ने घसरून प्रति किलो ₹२,६७,००० वर आला. ही साप्ताहिक घसरण लक्षात घेता, मागील आठवड्याच्या शेवटच्या ट्रेडिंग दिवशी फ्युचर्स ट्रेडिंगमध्ये १ किलो चांदीचा भाव प्रति किलो २,७१,८४६ वर बंद झाला होता आणि आता त्याचा भाव प्रति किलो ४,८४६ पर्यंत घसरला आहे.
एमसीएक्सवर चांदीच्या दरात मोठी घसरण झाली असताना, अनेक चढ-उतारानंतर सोन्याच्या दरातही किंचित घट झाली आहे. एमसीएक्सवर सोने २२ मे रोजी १० ग्रॅम २४ कॅरेट सोन्याचे दर १,६१,३२० होता, तर शुक्रवारी तो प्रति १० ग्रॅम १,६१,०४९ वर बंद झाला. सोन्याच्या दरात आठवड्याभरात 1,654 रुपयांची घसरण झाली आहे.
