OTT प्लॅटफॉर्मवर दाखवल्या जाणाऱ्या XXX या वेब सिरीजवर प्रकरणी शुक्रवारी सर्वोच्च न्यायालयाने चित्रपट निर्माती एकता कपूरला कडक शब्दांत फटकारले. एकता कपूर देशातील तरुण पिढीचे मेंदू दूषित करत असल्याचे सर्वोच्च न्यायालयाने म्हटले आहे. एकता कपूरच्या XXX या वेब सिरीजचे प्रकरण प्रदीर्घ काळ न्यायालयात सुरू आहे. प्रत्यक्षात एकता कपूरच्या वतीने एक याचिका दाखल करण्यात आली होती. मात्र असा अन्य कोणताही युक्तिवाद पुन्हा आल्यास त्यांच्याकडून किंमत वसूल केली जाईल, असा इशाराही एकताला सर्वोच्च न्यायालयाने दिला.
एकता कपूरने दाखल केलेल्या याचिकेवर सर्वोच्च न्यायालयात सुनावणी सुरू होती. OTT प्लॅटफॉर्म Alt Balaji वर प्रसारित होणार्‍या XXX या वेब सिरीज मध्ये आक्षेपार्ह दृश्यांद्वारे सैनिकांचा अपमान आणि त्यांच्या कुटुंबियांच्या भावना दुखावल्याबद्दल एकता कपूर विरुद्ध जारी केलेल्या अटक वॉरंटला आव्हान दिले. बिहारच्या बेगुसराय येथील एका ट्रायल कोर्टाने माजी सैनिक शंभू कुमार यांच्या तक्रारीवरून हे वॉरंट जारी केले होते. एकताच्या वेब सीरिजच्या दुसऱ्या सीझनमध्ये एका सैनिकाच्या पत्नीसोबत आक्षेपार्ह दृश्ये दाखवण्यात आली होती.
पीटीआयच्या म्हणण्यानुसार, वरिष्ठ वकील मुकुल रोहतगी एकताच्या बाजूने हजर झाले होते. यावेळी न्यायालयाने तिला सुरक्षा पुरवण्याची विनंती केली होती. रोहतगी म्हणाले की, वेब सिरीज सबस्क्रिप्शननंतरच पाहता येते आणि देशात आमच्या आवडीनुसार ती पाहण्याचे स्वातंत्र्य आम्हाला आहे. न्यायमूर्ती अजय रस्तोगी आणि न्यायमूर्ती सीटी रविकुमार यांच्या खंडपीठाने एकताला फटकारले. यावेळी वकिलांनी सांगितले की या प्रकरणी पाटणा उच्च न्यायालयात याचिका दाखल करण्यात आली आहे. परंतु लवकर सुनावणीसाठी तेथे सूचीबद्ध करणे अपेक्षित नाही.
सर्वोच्च न्यायालयाच्या खंडपीठाने म्हटले की, ‘तुम्ही या देशातील तरुण पिढीचे मेंदू कलुषित करत आहात. वेब सीरिज मधील आक्षेपार्ह दृश्ये OTT वर प्रत्येकासाठी उपलब्ध आहे. तुम्ही लोकांना कोणते पर्याय देत आहात? तुम्ही तरुणांचे मेंदू दूषित करत आहात.
न्यायालयाने एकताला पुढे इशारा दिला की, ‘प्रत्येक वेळी तू या कोर्टात आलीस…यापुढे अशी याचिका दाखल करण्यासाठी आम्ही तुझ्याकडून शुल्क आकारू. मिस्टर रोहतगी कृपया हे तुमच्या क्लायंटला कळवा. तुम्ही चांगल्या वकिलांची सेवा घेऊ शकता म्हणून… हे न्यायालय ज्यांना आवाज नाही त्यांच्यासाठी काम करते. ज्यांना सर्व प्रकारच्या सुविधा आहेत त्यांना जर न्याय मिळत नसेल तर सामान्य माणसाची काय अवस्था होईल याचा विचार करा.
