लोकसभा निवडणुकीच्या मतदानासाठी संपूर्ण रायगड जिह्यात जाहीर करण्यात आलेली दारूबंदी उच्च न्यायालयाने रद्द केली. केवळ लोकसभा मतदारसंघ मतदानापुरताच ड्राय डे राहील, असे न्यायालयाने स्पष्ट केले. रायगड लोकसभेसाठी 7 मे 2024 रोजी तर मावळ लोकसभेसाठी 13 मे रोजी मतदान आहे.
या प्रकरणी नवी मुंबई हॉटेल ओनर्स असोसिएशनने अॅड. सुजय गावडे यांच्यामार्फत याचिका दाखल केली होती. ही याचिका न्या. अतुल चांदूरकर व न्या. जितेंद्र जैन यांच्या खंडपीठाने मंजूर केली. रायगड जिल्हाधिकारी यांनी जारी केलेल्या ड्राय डेच्या आदेशात न्यायालयाने बदल केले.
येथे असणार ड्राय डे
z रायगड लोकसभेसाठी 7 मे 2024ला मतदान आहे. 5 मे सायंकाळी 5 वाजल्यापासून मतदान संपेपर्यंत येथे दारूबंदी असेल. z मावळ लोकसभेसाठी 13 मे 2024 रोजी मतदान आहे. तेथे 11 मे सायंकाळी पाच वाजल्यापासून मतदान संपेपर्यंत ड्राय डे असेल. z 4 जून 2024 रोजी निकाल जाहीर होईपर्यंत ड्राय डे असेल, असेही न्यायालयाने नमूद केले.