अमित घोडेकर,[email protected]
कधीही, कुठेही मनोरंजन व्हावे म्हणून ‘वेबसीरिज’ नावाचा एक प्रकार सध्या सुरू झाला आहे. नेटफ्लिक्स, अमेझोन प्राइम, फेसबुक अशा अनेक ठिकाणी या वेबसीरिज खूप लोकाप्रिंय झाल्या आहेत.
जर तुम्ही एखादी नवीन गोष्ट घेतली असेल आणि जर तुम्हाला ती वापरता येत नसेल तर तुम्ही काय करता? याचे उत्तर एकदम सोपे आहे. आपण यू टय़ूबवर जाऊन सरळ त्या वस्तूचे नाव टाइप करतो. मग काय आपल्याला यू टय़ूबवर अक्षरशः शेकडो व्हिडीओ मिळतात ज्यामध्ये ते उपकरण कसे वापरायचे याचे प्रात्यक्षिक दाखवलेले असते. अनेक हरहुन्नरी लोकांचे अनेक चॅनल्स आहेत. उदा. लडाखवरचा चॅनल ज्यात लडाखवरचे अनेक व्हिडीओज टाकले आहेत. मुंबईदर्शन नावाचे एक चॅनल. या चॅनल्सवर त्या स्थळाबद्दल सर्व माहिती व्हिडीओच्या स्वरूपात टाकली आहे. त्यामुळे जर तुम्हाला ते स्थळ बघायचे असेल तर त्याची माहिती घेण्यासाठी कोणत्याही वाटाडय़ा किंवा गाईडची गरज पडणार नाही. भटकंतीची आवड असणाऱया लोकांसाठी हे चॅनल्स खूप उपयोगी आहेत. हे चॅनल्स तुमच्या-आमच्यासारख्या लोकांनी सुरू केले आहेत. नेमका हाच धागा पकडून लोकांचे कधीही, कुठेही मनोरंजन व्हावे म्हणून ‘वेबसीरिज’ नावाचा एक प्रकार सध्या सुरू झाला आहे. नेटफ्लिक्स, अमेझोन प्राइम, फेसबुक अशा अनेक ठिकाणी वेबसीरिज खूप लोकाप्रिंय झाल्या आहेत.
नवरा-बायकोच्या ‘तू तू, मै मै’वरची ‘it’ नावाची वेबसीरिज असो किंवा विमानाच्या पायलटवरची एव्हिएशन वर्ल्ड’ नावाची वेबसीरिज असो, तुम्हाला सायन्सपासून ते अगदी नाटक किंवा सिनेमापर्यंत, विनोदापासून ते अगदी अध्यात्मार्पंत कुठली ना कुठली वेबसीरिज नक्कीच मिळेल. बऱयाच वेबसीरिज या चक्क मोबाईलमध्येच रेकॉर्ड केलेल्या असतात. म्हणजेच तीन-चार मित्र किंवा मैत्रिणी एकत्र येऊन आधी कोणत्या विषयावर वेबसीरिज करायची याची माहिती गोळा करतात आणि आपल्याच मित्रमैत्रिणीवर याचे चित्रीकरण करून यू टय़ूब किंवा इतर सोशल नेटवार्ंकगवरील संकेतस्थळावर ती टाकली जाते. अशा प्रकारच्या अतिशय छोटय़ा स्वरूपातून अनेक वेबसीरिज बनवल्या गेल्या आहेत. त्यात अनेक वेगवेगळ्या भाषांमध्येदेखील अशा वेबसीरिज बनवल्या गेल्या आहेत. आपल्याकडे गेल्या काही महिन्यांपासून एक वेबसीरिज खूप गाजत आहे ती म्हणजे ‘गावाकडच्या गोष्टी’. कोरी पाटी प्रॉडक्शन या अस्सल मराठी तरुणांच्या चमूने ही वेबसीरिज सुरू केली आहे. या वेबसीरिजला लोकांनी डोक्यावर घेतले आहे. या वेबसीरीजमधील सगळी पात्रे देखील खूप लोकप्रिय झाली आहेत.
‘गावाकडच्या गोष्टी ’मध्ये ग्रामीण जीवन, ग्रामीण संस्कृती, ग्रामीण लोकांचे राहणीमान अशा सगळ्या गोष्टी मध्यवर्ती ठिकाणी ठेवल्या गेल्या आहेत. एक ट्रायपोड आणि एक कॅमेरा वापरून साताऱयाजवळील एका छोटय़ा खेडेगावात याचे चित्रीकरण केले जाते. सध्या या वेबसीरिजचे ३५ पेक्षा जास्त शो प्रसारित झाले आहेत. या वेबसीरिजची लोकप्रियता एवढी आहे की काही शो जवळपास १५ ते २० लाख लोकांनी बघितले आहेत आणि जवळपास तीन लाख लोक या शोचे सब क्रायबर आहेत. ‘गावाकडच्या गोष्टी’ एवढी लोकप्रिय झाली की जोहान्सबर्गमधील मराठी मंडळाने ‘गावाकडच्या गोष्टी’च्या चमूला जोहान्सबर्गमध्ये एक एपिसोड चित्रित करण्यासाठी आमंत्रित केले होते.
वेबसीरिजची ही प्रचंड लोकप्रियता मनोरंजन क्षेत्राने हेरली नसेल तर ते नवलच! सध्या या वेबसीरिजमध्ये एक नवीन ट्रेंड आला आहे तो म्हणजे टीव्हीप्रमाणेच सीरियल्स. होय, हे खरंच आहे. सध्या नेटफ्लिक्स, अमेझोन प्राइम, फेसबुकवर अनेक नामांकित दिग्दर्शकांच्या अतिशय गाजत असलेल्या सीरियल्स वेबसीरिजच्या रूपात सुरू आहेत आणि या वेबसीरिज सध्या प्रचंड लोकप्रिय होत आहेत. कारण या कधीही, कुठेही बघता येतात. बालाजी टेलिफिल्म्ससारखे जवळपास अनेक मोठे टीव्हीवर मालिका बनवणारे अनेक मोठमोठे निर्माते सध्या वेबसीरिज बनवायच्या मागे लागले आहेत. नेटफ्लिक्स, अमेझोन प्राइम हे खरे तर मोबाईलवर चित्रपटाची सेवा देणारे आहेत, पण तेदेखील आजकाल दर्जेदार नवनवीन वेबसीरिजच्या मालिका सुरू करत आहेत. राजकुमार रावची ‘बोसडेड ऑर अलाइव्ह’ नावाची वेबसीरिज जी नेताजी सुभाषचंद्र बोस यांच्यावर बेतली होती किंवा राणा दुगाब्बतीची सायबर क्राइमवरील ‘सोशल’ नावाची वेबसीरिज किंवा नुकतीच क्रिकेटमधील सट्टेबाजीवरील विवेक ओबेरॉयची ‘इनसाइडइज’ अशा अनेक वेबसीरिज सध्या लोकांचे मनोरंजन करत आहेत.
वेबसीरिजची सगळ्यात खास बात म्हणजे कुठेही, कधीही मोबाईलवर बघता येतात. त्यामुळेच मग लोक ट्रेन किंवा ऑफिसमध्ये बसून वेबसीरिजचा मनमुराद आनंद घेत आहेत. सध्या असे म्हटले जाते की वेबसीरिज काही वर्षांतच टीव्हीवरील मालिकांची जागा घेतील.
