स्टेट बँक ऑफ इंडियाने (एसबीआय) देशभरात नऊ हजारांहून अधिक जागांसाठी मेगाभरती जाहीर केली आहे. ही सर्व पदे ज्युनियर असोसिएट्स म्हणजेच क्लर्कची आहेत. या पदांसाठी अर्ज करण्यास सुरुवात झाली असून अर्ज करण्याची शेवटची तारीख 31 ऑगस्ट 2026 आहे. नियमित भरती अंतर्गत 7 हजार 680 आणि बॅकलॉग भरती अंतर्गत 1 हजार 444 अशी एकूण 9 हजार 124 पदांची भरती केली जाणार आहे. ही भरती देशातील वेगवेगळ्या राज्यांत केली जाणार आहे. या भरतीसंबंधी सविस्तर माहिती बँकेची अधिकृत वेबसाईट recruitment.sbi.bank.in वर देण्यात आली आहे.
मान्यताप्राप्त विद्यापीठातून कोणत्याही शाखेतील पदवी असलेला उमेदवार या पदासाठी अर्ज करू शकतो. जे उमेदवार पदवीच्या अंतिम वर्षात किंवा शेवटच्या सत्रात आहेत, तेदेखील अर्ज करू शकतात. परंतु त्यांची निवड झाल्यास, त्यांना 31 डिसेंबर 2026पर्यंत त्यांचे पदवी उत्तीर्ण झाल्याचे प्रमाणपत्र सादर करावे लागेल.
या भरतीसाठी अर्ज करणाऱ्या उमेदवाराचे वय किमान 20 ते कमाल 28 वर्षे असायला हवे. सर्वात आधी सप्टेंबर 2026ला पूर्व परीक्षा आणि त्यानंतर नोव्हेंबर 2026ला मुख्य परीक्षा घेतली जाईल. या दोन्ही परीक्षेत पात्र ठरलेल्या उमेदवारांची स्थानिक भाषा चाचणी घेतल्यानंतर उमेदवाराची निवड केली जाईल. निवड झालेल्या उमेदवाराला 24050-64480 रुपये प्रतिमहिना पगार दिला जाईल तसेच नियमांनुसार, मिळणारे भत्तेही दिले जातील. ही भरती पदवीधरांसाठी एक सुवर्णसंधी आहे.
नियमित भरती
महाराष्ट्र 1782
तामीळनाडू 1410
ओडिशा 1100
कर्नाटक 760
पश्चिम बंगाल 630
राजस्थान 350
गुजरात 330
छत्तीसगड 287
तेलंगणा 260
उत्तर प्रदेश 250
मध्य प्रदेश 113
आसाम 110
अरुणाचल प्रदेश 55
त्रिपुरा 48
मेघालय 24
पंजाब 24
मिझोराम 32
नागालँड 27
मणिपूर 14
एकूण 7680
बॅकलॉक
महाराष्ट्र 282
तामीळनाडू 106
ओडिशा 18
कर्नाटक 39
पश्चिम बंगाल 166
राजस्थान 75
गुजरात 305
छत्तीसगड 64
तेलंगणा 75
उत्तर प्रदेश 30
मध्य प्रदेश 159
आसाम 97
अरुणाचल प्रदेश 17
त्रिपुरा 08
मेघालय 20
पंजाब 28
मिझोराम 06
नागालँड 15
अरुणाचल प्रदेश 17
मणिपूर 09
एकूण 1444
