आशियाई क्रीडा स्पर्धेसाठी हिंदुस्थानी संघात बदल करण्यात आले असून युवा क्रिकेटपटू विप्राज निगमला पदार्पणाची संधी मिळण्याची शक्यता आहे. कारण वरुण चक्रवर्तीला दुखापत झाली होती, त्याच्या जागी युवा निगमला टी-20 संघात स्थान देण्यात आले आहे. वरुणच्या जागी कुलदीप यादवला टी-20 संघात स्थान देता आले असते, परंतु त्याच वेळी हिंदुस्थानचा एकदिवसीय संघ वेस्ट इंडिजविरुद्ध मालिका खेळणार आहे. कुलदीप एकदिवसीय संघाचा नियमित सदस्य आहे. त्यामुळे, त्याला टी-20 संघात स्थान देण्यात आलेले नाही, ज्यामुळे निगमला पदार्पणाची संधी मिळाली आहे. निगम हा हिंदुस्थानसाठी कोणत्याही फॉरमॅटमध्ये खेळलेला नाही. हा 22 वर्षीय खेळाडू उजव्या हाताने लेग-स्पिन गोलंदाजी करतो आणि तळाच्या फळीत जलद धावा करण्यात पारंगत आहे. त्याने आयपीएलमध्ये दिल्ली संघासाठी अनेक उपयुक्त खेळी केल्या आहेत.
