रशियाने युक्रेनच्या झापोरिझिया प्रांतात शनिवारी प्राणघातक हल्ला केला. या हल्ल्यात 15 जण ठार झाले आहेत. मृतांमध्ये तीन लहान मुलांचा समावेश आहे. अमेरिकेचे अध्यक्ष डोनाल्ड ट्रम्प यांनी रशियाकडून डिझेल खरेदी करण्याच्या कराराची घोषणा केल्यानंतर दुसऱ्याच दिवशी हा हल्ला झाला. या खरेदीमुळे मॉस्कोला युक्रेनमधील युद्धासाठी निधी पुरवण्यास मदत होईल, असा आरोप युक्रेनने दिला आहे. या हल्ल्यात 16 हून अधिक जण जखमी झाले आहेत.
युक्रेनियन अधिकाऱ्यांनी दिलेल्या माहितीनुसार, गेल्या चार दिवसांत रशियाने केलेल्या विविध हल्ल्यांमध्ये संपूर्ण युक्रेनमध्ये 55 हून अधिक नागरिकांचा मृत्यू झाला आहे. ट्रम्प यांनी रशियासोबत केलेल्या तेल खरेदी करारामुळे युक्रेनचे अधिकारी आणि अध्यक्ष व्होलोडिमिर झेलेन्स्की यांनी अमेरिकेवर तीव्र टीका केली आहे, असे आज तकने दिलेल्या वृत्तात म्हटले आहे.
