आसाममध्ये क्रीडा संस्कृतीला प्रोत्साहन देण्यासाठी आणि तरुण प्रतिभेला प्रेरणा देण्यासाठी राज्य सरकारने एक मोठे पाऊल उचलले आहे. मुख्यमंत्री हिमंता बिस्वा सरमा यांच्या अध्यक्षतेखालील आसाम मंत्रिमंडळाने ऑलिम्पिक पदक विजेती बॉक्सर लव्हलिना बोरगोहेनच्या क्रीडा अकादमीला महत्त्वपूर्ण दिलासा देण्याच्या प्रस्तावाला मंजुरी दिली आहे. लव्हलिनाच्या बॉक्सिंग अकादमीसाठी दिलेल्या जमिनीवरील सेटलमेंट प्रीमियम पूर्णपणे माफ करण्याचा निर्णय सरकारने घेतला आहे.
या मंत्रिमंडळाच्या निर्णयानुसार पलाशबारी महसूल मंडळांतर्गत छायानी मौजा येथील हुदुमपूर गावात लव्हलिनाच्या अकादमीसाठी तीन एकरहून अधिक जमीन वाटप करण्यात आली. राज्य सरकारने केवळ एक रुपयाच्या नाममात्र दराने जमिनीच्या हस्तांतरणाला मंजुरी दिली आहे. या उपक्रमाचा थेट उद्देश राज्यात आधुनिक क्रीडा पायाभूत सुविधा निर्माण करणे आणि बॉक्सिंगसह इतर खेळांना नव्या उंचीवर नेणे हा आहे.
