केस गळणे, केस तुटणे आणि केसांची वाढ मंदावणे या समस्या सध्या मोठ्या प्रमाणात दिसून येत आहेत. केसांसाठी महागडी उत्पादने, तेलं आणि ट्रीटमेंट्स वापरली जात असली तरी केसांच्या आरोग्यावर आहाराचाही मोठा परिणाम होतो. शरीराला आवश्यक पोषकद्रव्ये पुरेशा प्रमाणात मिळत नसतील तर केस कमकुवत होण्याची शक्यता असते. केसांच्या आरोग्यासाठी प्रथिने, लोह, झिंक आणि विविध जीवनसत्त्वे महत्त्वाची आहेत. त्यामुळे रोजच्या आहारात विविध पोषक पदार्थांचा समावेश करणे गरजेचे आहे.
केसांसाठी अंडी, डाळी, चणे, सोया आणि मासे यांसारखे प्रथिनयुक्त पदार्थ आहारात घेणे उपयुक्त ठरू शकते. केस प्रामुख्याने केराटिन नावाच्या प्रथिनापासून बनलेले असल्याने शरीराला पुरेसं प्रथिन मिळणं महत्त्वाचं आहे.
शरीरात लोहाची कमतरता असल्यास काही व्यक्तींमध्ये केसगळती वाढू शकते. त्यामुळे पालक, डाळी आणि इतर लोहयुक्त पदार्थ आहारात समाविष्ट करता येतात.
अक्रोड, जवस आणि चिया सीड्स यामध्ये ओमेगा-३ फॅटी ॲसिड्स आढळतात. तर आवळा, संत्री आणि इतर व्हिटॅमिन सीयुक्त फळांचा आहारात समावेश करता येतो.
केस निरोगी ठेवण्यासाठी पुरेसे पाणी पिणे, पुरेशी झोप घेणे आणि संतुलित आहार घेणे महत्त्वाचे आहे. केसांना वारंवार जास्त उष्णता देणे, अतिरिक्त रासायनिक उपचार करणे किंवा केस घट्ट बांधणे टाळणे फायदेशीर ठरू शकते.
मात्र केस अचानक मोठ्या प्रमाणात गळू लागले, टाळूवर समस्या निर्माण झाली किंवा केसगळती सतत सुरू राहिली तर केवळ घरगुती उपायांवर अवलंबून न राहता डॉक्टरांचा सल्ला घ्यावा.
