टीम इंडिया व पाकिस्तानमध्ये सुरू असलेल्या हाय व्होल्टेज सामन्यात टीम इंडियाच्या गोलंदाजांपुढे पाकिस्तानच्या फलंदाजांनी गुडघे टेकले. बाबर आणि रिझवानच्या अर्धशतकानंतरही पाकिस्तानचा संपूर्ण संघ 191 धावात बाद झाला. टीम इंडियाला विजयासाठी 192 धावांची गरज आहे.
ICC World Cup | Pakistan 191-all out against India at Narendra Modi Stadium in Ahmedabad.
(Babar Azam 50, Mohammad Rizwan 49, Jasprit Bumrah 2-19, Hardik Pandya 2-34)#INDvPAK pic.twitter.com/DuiLuB7eBw
— ANI (@ANI) October 14, 2023
नाणेफेक जिंकून टीम इंडियाने नाणेफेक जिंकून प्रथम गोलंदाजीचा निर्णय घेतला होता. पाकिस्तानच्या अब्दुल्ला शफीक आणि इमाम उल हक या सलामीवीरांनी डावाला चांगली सुरुवात केली. मात्र 41 धावा झालेल्या असताना सिराजने अब्दुल्लाहला पायचीत केले. त्यानंतर 71 धावांवर असताना इमाम उल हकला हार्दीक पांड्याने तंबूत परत पाठवले. या दोन विकेट पडल्यानंतर पाकिस्तानचा कर्णधार बाबर आझम आणि मोहम्मद रिझवान यांनी टीम इडिंयाला तिसऱ्या विकेटसाठी चांगलेच झुंजवले. या दोघांनी मिळून 82 धावांची चांगली भागिदारी केली. त्यानंतर मात्र मोहम्मद सिराजने बाबरचा त्रिफळा उडवला व टीम इंडियाला डावात परत आणले. बाबरची विकेट पडल्यानंतर पाकिस्तानच्या संघाला गळतीच लागली. अवघ्या 36 धावात पाकिस्तानच्या 8 विकेट पडल्या.
टीम इंडियाच्या गोलंदाजांनी चांगली कामगिरी केली. जसप्रीत बुमराह, मोहम्मद सिराज, हार्दीक पांड्या, कुलदीप यादव, रविंद्र जाडेजा यांनी प्रत्येकी दोन गडी बाद केले.
