इमारतीचे बांधकाम सुरू असलेल्या साईटवरून चोरट्यांनी तब्बल सहा लाखांवर किंमतीचे साहित्य चोरून नेले. ही घटना 13 ते 20 जानेवारीला धानोरीतील खासगी बांधकाम व्यावसायिकाच्या साईटवर घडली आहे. संजय निकम (वय – 47 रा. रहाटणी, पिंपरी) यांनी विश्रांतवाडी पोलीस ठाण्यात तक्रार दिली आहे.
धानोरीत डी. एन. पार्कमध्ये खासगी बांधकाम व्यावसायिकाकडून इमारतीचे बांधकाम सुरू आहे. 13 ते 20 जानेवारी दरम्यान चोरट्यांनी लोखंडी पाईप, वेगवेगळे साहित्य असा मिळून 6 लाख 35 हजारांचा ऐवज चोरून नेला आहे. याप्रकरणी पोलीस उपनिरीक्षक सातपुते तपास करीत आहेत.
