कुस्तीपटूंनी लैंगिक अत्याचाराचे आरोप केलेले भाजप खासदार ब्रृजभूषण शरण सिंह यांचे निकटवर्तीय संजय सिंह यांची महासंघाच्या अध्यक्षपदी निवड झाल्यानंतर कुस्तीपटू साक्षी मलिकने निवृत्ती जाहीर केली व बजरंग पूनिया याने त्याचा पद्मश्री सन्मान परत केला. या दोन्ही प्रकारांमुळे क्रिडा मंत्रालय व भाजप सरकारची देशभरात नाचक्की व टीका झाली. त्यामुळे क्रिडा मंत्रालय खडबडून जागे झाले असून त्यांनी रविवावरी नवनियुक्त भारतीय कुस्ती महासंघाची नवनियुक्त समितीच बरखास्त केली आहे. एका अर्थी खेळाडूंच्या लढ्याला काही अंशी यश आले आहे.
#WATCH | On suspension of the newly elected body of Wrestling Federation of India (WFI) by Union Sports Ministry, Wrestler Sakshi Malik says, “I have not seen anything in writing yet. I don’t know whether only Sanjay Singh has been suspended or the entire body has been… pic.twitter.com/J3ELFd98rC
— ANI (@ANI) December 24, 2023
यावर प्रतिक्रीया देताना साक्षी मलिक म्हणाली, ”या निर्णयाबद्दल मला अद्याप लिखित स्वरुपात काहीही माहिती मिळालेली नाही. केवळ प्रसारमाध्यमांवर ही बातमी पाहिली. केवळ संजय सिंह यांनाही निलंबित केलं आहे की संपूर्ण कार्यकारिणी बरखास्त केली आहे, याबाबत कुठलीही ठोस माहिती मिळालेली नाही. परंतु, असा निर्णय घेतला असेल तर मी त्याचं स्वागत करते. आमचा लढा या देशाच्या सरकारविरोधात कधीच नव्हता. आमचा लढा केवळ एका माणसाविरोधात होता. आम्हाला आपल्या खेळाडूंच्या भवितव्याची चिंता आहे. नव्या मुली या क्षेत्रात येत आहेत, कुस्ती खेळतायत त्यांची आम्हाला काळजी आहे
दरम्यान या समितीच्या बरखास्तीसाठी क्रिडा मंत्रालयाने मात्र नव्या समितीने घटनांचे पालन न केल्याचे म्हटले आहे. वनिर्वाचित समितीने कुस्तीपटूंना पूर्व सूचना न देता, अंडर – 15 आणि अंडर – 20 खेळाडूंची राष्ट्रीय स्पर्धा घोषित केली होती. कुणालाही पूर्वसुचित न करता घाई घाईने घेतलेल्या निर्णयामुळे क्रीडा मंत्रालयाने रविवारी भारतीय कुस्ती महासंघाचे पुढील आदेश मिळेपर्यंत निलंबन करण्यात आले आहे. “नव्या संस्थेने डब्ल्यूएफआयच्या घटनांचे पालन केलेले नाही. आम्ही समिती संपुष्टात आणली नसून पुढील आदेशांपर्यंत निलंबित केली आहे. त्यांना योग्य प्रक्रिया आणि नियमांचे पालन करणे आवश्यक असल्याचे” क्रीडा मंत्रालयाच्या अधिकाऱ्याने सांगितले आहे.
