इंग्लंडचा कसोटी कर्णधार बेन स्टोक्स आणि वेगवान गोलंदाज गस ऍटकिन्सन यांचे न्यूझीलंडविरुद्धच्या तिसऱ्या आणि अखेरच्या कसोटीसाठी संघात पुनरागमन झाले आहे. लॉर्ड्स कसोटीनंतर कर्फ्यू नियमांचे उल्लंघन आणि कथित नाइटक्लब प्रकरणामुळे दोघांना दुसऱ्या कसोटीतून वगळण्यात आले होते. त्यावेळी जो रूटने नेतृत्व केले, मात्र इंग्लंडला 253 धावांनी पराभव पत्करावा लागला. चौकशी पूर्ण झाल्यानंतर इंग्लंड आणि वेल्स क्रिकेट मंडळाने दोघांना पुन्हा संधी दिली आहे. गस ऍटकिन्सन नाइटक्लबमधील वादात सहभागी असल्याच्या बातम्यांमुळे हे प्रकरण चर्चेत आले होते. आता या दोघांच्या पुनरागमनामुळे इंग्लंडची ताकद वाढली असून निर्णायक कसोटीत त्यांच्याकडून मोठय़ा कामगिरीची अपेक्षा आहे.
