राष्ट्रीय तपास यंत्रणा (एनआयए,NIA) पाकिस्तानमधील दहशतवादी हाफिज सईदला न्यायालयाचे समन्स पाठवणार आहे. हे समन्स लश्कर-ए-तोयबाचा प्रमुख आणि पहलगाम हल्ल्याचा सूत्रधार असलेल्या हाफिज सईदला परराष्ट्र मंत्रालयामार्फत पाठवले जाईल.
पहलगाम हल्ल्याच्या संदर्भात एनआयए (NIA) परराष्ट्र मंत्रालयामार्फत पाकिस्तानमधील हाफिज सईदला न्यायालयाचे समन्स पाठवणार आहे. त्याच्याविरुद्ध अजामीनपात्र वॉरंट जारी करण्यात आले असून, बीएनएसएस-२०२३ (BNSS-2023) च्या कलम ३६५ अंतर्गत त्याच्या अनुपस्थितीत खटल्याची सुनावणी सुरू होईल.
एनआयएने पहलगाम हल्ला प्रकरणात हाफिज सईदला आरोपी ठरवून त्याच्याविरुद्ध पुरवणी आरोपपत्र दाखल केले आहे. जम्मू येथील एनआयए न्यायालयाने पहलगाम हल्ला प्रकरणात हाफिज सईदविरुद्ध अजामीनपात्र वॉरंटही जारी केले आहे.
हाफिज सईद हा पहलगाम हल्ल्यातील एक आरोपी आहे आणि त्यामुळे, खटल्याच्या सुनावणीसाठी त्याला न्यायालयात हजर राहण्याकरिता समन्स बजावण्यात येईल. आरोपी हाफिज सईदच्या अनुपस्थितीत, पहलगाम हल्ल्याचा खटला न्यायालयात बीएनएसएस-२०२३ च्या कलम ३६५ अंतर्गत सुरू होईल, ज्याला ‘अनुपस्थितीतील खटला’ (Trial of Absentia) म्हणून ओळखले जाते. पहलगाममधील दहशतवादी हल्ला २२ एप्रिल २०२५ रोजी झाला होता. हा हल्ला जम्मू आणि काश्मीरमधील पहलगाम भागातील बैसरन खोऱ्यात दुपारी पर्यटकांना लक्ष्य करून करण्यात आला होता.
