पाकिस्तानचा संघ सध्या पुन्हा एकदा आपल्या अजब कारभारामुळे तोंडघशी पडला आहे. निमित्त ठरलं ते पीसीबीचे सर्वेसर्वा मोहसीन नक्वी यांनी खेळाडूंसाठी आयोजित केलेलं ‘शाही डिनर’चं. पाकिस्तानात क्रिकेटपटूंना कशी शाळकरी पोरांसारखी वागणूक दिली जाते याचा एक धक्कादायक व्हिडीओ सध्या सोशल मीडियावर तुफान व्हायरल होत आहे.
श्रीलंकेविरुद्धच्या टी-20 मालिकेच्या तोंडावर पीसीबी अध्यक्ष मोहसीन नक्वी यांच्या स्वागतासाठी खेळाडूंची रांग लागली होती. याच रांगेत डोक्यावर कॅप घालून आलेला हसन नवाज हा नक्वी यांच्याशी हस्तांदोलन करण्यासाठी पुढे सरसावला. त्याच्या मागेच स्टार गोलंदाज नसीम शाहही टोपी घालून उभा होता. हे पाहताच नक्वी यांच्या शेजारी उभ्या असलेल्या टीम मॅनेजरने खूण करत दोघांना टोपी काढण्याचे संकेत दिले. हसन नवाज आणि नसीम शाह या दोघांनीही तातडीने डोक्यावरची कॅप काढली, ती हातात धरली आणि मान खाली घालून ते पुढे निघाले. आंतरराष्ट्रीय पातळीवर देशाचं प्रतिनिधित्व करणाऱ्या खेळाडूंना अशा प्रकारे वागवल्याने क्रिकेट विश्वात तीव्र संताप व्यक्त होत आहे.
مینجر یقیناً ڈسپلن کے ذمہ دار ہوتے ہیں لیکن قومی کرکٹرز اسکول کے بچے نہیں ہیں کہ کسی فنکشن کے دوران انہیں انگلی کے اشاروں سے بتایا جائے کہ سر سے کیپ اتاریں۔ ایسے پروٹوکول کے بارے میں کھلاڑیوں کو ایونٹ سے پہلے ہی آگاہ کر دیا جاتا ہے، ہے نا؟امید ہے کوئی اسے ذاتی تنقید نہیں سمجھے گا https://t.co/zcY9dsmPaE
— Sohail Imran (@sohailimrangeo) October 8, 2026
