दिल्लीतील जंतरमंतर येथे विनापरवानगी घुसल्याच्या आरोपावरून सीजेपी पक्षाचे नेते सौरव दास आणि आशुतोष रांका यांना पोलिसांनी ताब्यात घेतले आहे. या कारवाईवरून आता विरोधी पक्षांनी केंद्र सरकारवर जोरदार निशाणा साधला आहे. पश्चिम बंगालच्या माजी मुख्यमंत्री आणि तृणमूल काँग्रेसच्या अध्यक्षा ममता बॅनर्जी यांनी या अटकेचा तीव्र शब्दांत निषेध करत, “हा संपूर्ण पिढीला घाबरवण्याचा आणि गप्प करण्याचा प्रयत्न आहे,” असा घणाघात केला आहे. तसेच काँग्रेस नेते राहुल गांधी यांनीही सरकारच्या या कृतीला भ्याडपणा म्हटले आहे.
ममता बॅनर्जी यांनी X वर पोस्ट करत आपला संताप व्यक्त केला. त्या म्हणाल्या की, “आपल्या लोकशाही अधिकारांसाठी आपण आणि आपल्या आधीच्या अनेक पिढ्यांनी मोठा लढा दिला आहे आणि आपल्याला तो सुरूच ठेवावा लागेल. सीजेपी नेते आशुतोष रांका आणि सौरव दास यांच्या अटकेचा मी तीव्र निषेध करते. आपल्या महान लोकशाही व्यवस्थेचे रक्षण करण्यासाठी आपण सर्वांनी एकत्र येऊन लढण्याची हीच ती वेळ आहे.”
“ही कारवाई म्हणजे एका संपूर्ण पिढीला घाबरवण्याचा आणि त्यांचा आवाज दाबण्याचा प्रयत्न आहे, जो आम्हाला अजिबात मान्य नाही. आपण आपल्या घटनात्मक अधिकारांशी कधीही तडजोड करू नये,” असेही त्या म्हणाल्या.
केंद्र सरकारवर टीका करताना त्या पुढे म्हणाल्या, “देशाच्या अनेक भागांमध्ये लोकशाहीची हत्या होत आहे. सध्या बंगालमधील आमचे १४ हजार लोक पोलिस आणि राजकीय अत्याचाराचा सामना करत आहेत. जे सरकार हे विसरते की लोकशाही ही लोकांची, लोकांनी आणि लोकांसाठी असते, त्या सरकारचा अंत आता जवळ आला आहे.”
देशातील तरुणांना आवाहन करताना ममता बॅनर्जी म्हणाल्या, “मी लाखो तरुणांना हे सांगू इच्छिते की, तुमची दीदी आजही आणि भविष्यातही नेहमीच तुमच्या पाठीशी आहे! चला, आपण सर्व मिळून आपल्या भारतमातेला वाचवूया.”
We, and many generations before us, have fought strongly for our democratic rights. We must continue to do so.
I strongly condemn the arrest of Ashutosh and Saurav of the CJP. These moments are about us all, pledging and standing up to fight unitedly to protect our great democracy. This is an attempt to intimidate and silence an entire generation. This is unacceptable.
We must never surrender our constitutional rights.This murdering of democracy is happening in many parts of the country. At this moment, 14,000 of our people in Bengal are facing the brunt of police and political atrocities.
A government that has forgotten that ‘it is of the people, by the people, for the people’ is nearing its end.
To the millions of young people I say: Your Didi is with you – today and forever! Let us stand together and save our Mother India.
Jai Hind!
Vande Mataram!
Joy Bangla!— Mamata Banerjee (@MamataOfficial) October 14, 2026
