सलग 365 दिवस 365 मुलाखती घेऊन रचना लचके-बागवे यांनी विश्वविक्रमाला गवसणी घातली. या उपक्रमाची सुरुवात 22 एप्रिल 2023 रोजी अक्षय तृतीयेच्या शुभमुहूर्तावर झाली आणि 20 एप्रिल 2024 रोजी 365 दिवस पूर्ण झाले. मुलाखतीच्या शृंखलेमध्ये उद्योजक, शासकीय अधिकारी, समाजसेवक आणि कलाकार असे विविध पार्श्वभूमी असलेल्या लोकांचा जीवन प्रवास ‘रचना लचके – बागवे’ या त्यांच्या यूटय़ूब चॅनेलवर उलगडण्यात आला. 365 व्या दिवशी म्हणजेच 20 एप्रिल रोजी एक भव्यदिव्य कार्यक्रम श्री शिवाजी मंदिर नाटय़गृहात पार पडला. या कार्यक्रमात ‘ओएमजी बुक ऑफ रेकॉर्ड्स’चे डॉ. दिनेश गुप्ता यांनी त्यांना सन्मानचिन्ह, स्मृतिचिन्ह आणि सन्मानपत्र देऊन रेकॉर्ड होल्डर म्हणून जाहीर केले.