शाहरुख खानसोबत स्वदेश चित्रपटात झळकलेली अभिनेत्री गायत्री जोशी हिच्या गाडीला इटली येथे अपघात झाला झाला आहे. ती तिचे पती विकास ओबेरॉय यांच्यासोबत सार्डीना येथे फिरायला गेलेली असताना त्यांच्या गाडीला अपघात झाला. सुदैवाने या अपघातातून दोघेही बचावले आहेत. मात्र दुसऱ्या गाडीतील एका दाम्पत्याचा या अपघाता मृत्यू झाला आहे.
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
गायत्री व तिचा पती विकास हे त्यांच्या लँम्बोर्गिनी गाडीने जात असतानाच काही फेरारी गाड्या त्यांच्या आजूबाजूला आल्या. ओव्हरटेक करण्याच्या नादात एक फेरारी गाडी जाऊन पुढच्या ट्रकवर आदळली. त्यानंतर गायत्रीच्या गाडीसह इतर गाड्याही एकमेकांवर आदळल्या. या अपघातात एका फेरारीमधील मेलिसा क्रौटली व मार्केस क्रौटली या दाम्पत्याचा मृत्यू झाला. हे दाम्पत्य मूळचे स्वित्झरलँडचे होते.
गायत्री जोशी ही मूळची महाराष्ट्रातील नागपूरची असून तिने व्हिडीओ जॉकी म्हणून आपले करिअर सुरू केले होते. तिने मिस इंडिया इंटरनॅशनल हा किताबही जिंकला होता. 2004 मध्ये गायत्रीला आशुतोष गोवारीकर यांच्या स्वदेश या चित्रपटात शाहरुख खान याच्या सोबत मुख्य अभिनेत्रीचा रोल मिळाला. एवढा मोठा ब्रेक मिळाल्यानंतर 2005 मध्ये गायत्रीने विवेक ओबेरॉय या व्यावसायिकाशी लग्न केले. तेव्हापासून ती बॉलिवूडच्या लाईमलाईटपासून दूर आहे.
