केरळममधील वायनाड येथे झालेल्या भीषण भूस्खलनाच्या घटनेवर लोकसभेतील विरोधी पक्षनेते राहुल गांधी यांनी शोक व्यक्त केला आहे. या दुर्घटनेत प्राण गमावलेल्या नागरिकांना श्रद्धांजली वाहतानाच त्यांनी सर्व काँग्रेस आणि युनायटेड डेमोक्रॅटिक फ्रंटच्या (UDF) कार्यकर्त्यांना मदत आणि बचावकार्यात प्रशासनाला तातडीने सहकार्य करण्याचे आवाहन केले आहे. ANI ने यासंदर्भात वृत्त दिले आहे.
वायनाडमध्ये मुसळधार पावसामुळे आलेल्या या नैसर्गिक आपत्तीत तीन नागरिकांचा मृत्यू झाला आहे. या पार्श्वभूमीवर प्रतिक्रिया देताना राहुल गांधी म्हणाले, “वायनाडमधील भूस्खलनाची बातमी अत्यंत दुःखद आणि हादरवून टाकणारी आहे. या दुर्घटनेत ज्यांनी आपल्या प्रियजनांना गमावले आहे, त्यांच्याप्रती मी माझ्या तीव्र संवेदना व्यक्त करतो.”
राहुल गांधी यांनी स्थानिक UDF कार्यकर्त्यांना आणि नेत्यांना बाधित भागात पोहोचून बचाव पथकांना मदत करण्याच्या सूचना दिल्या आहेत. “आपल्या सर्व कार्यकर्त्यांनी तातडीने बचाव कार्यात सामील व्हावे आणि प्रशासनाला शक्य ती सर्व मदत करावी. अडकलेल्या नागरिकांना सुरक्षित स्थळी हलवणे, बेपत्ता लोकांचा शोध घेणे आणि जखमींना तातडीने वैद्यकीय मदत मिळवून देण्यासाठी सर्वांनी पुढाकार घ्यावा,” असे निर्देश राहुल गांधी यांनी दिले आहेत.
