माउंट एव्हरेस्टवर बेपत्ता झालेले नेपाळी गिर्यारोहण मार्गदर्शक दाव्हा शेर्पा सहा दिवसांनंतर जिवंत सापडले. 29 मे रोजी कॅम्प-3 च्या वर सुमारे 7,500 मीटर उंचीवर बेपत्ता झाल्यानंतर त्यांची जिवंत राहण्याची आशा जवळ जवळ संपली होती. अनेकांनी त्यांना श्रद्धांजलीही वाहिली होती. त्यानंतर गुरुवारी ते स्वतः बेस कॅम्पकडे उतरताना आढळले. दाव्हा शेर्पा एका पोलिश गिर्यारोहकाला मदत करत असताना आपल्या चमूपासून वेगळे झाले होते. अनेक दिवस त्यांचा काहीच पत्ता लागला नाही.
