केरळममधील वायनाड येथे भूस्खलनामुळे दोन जणांचा बळी गेला आहे. पावसात एका बांधकाम स्थळावर झालेल्या भूस्खलनात दोन जणांचा मृत्यू झाला आणि आठ जण जखमी झाले. भूस्खलनामुळे बांधकामस्थळी जमीन आणि चिखलाचा वेगवान प्रवाह रस्त्यावर पसरत होता. त्यात अनेक वाहने वाहून गेली.
केरळममधील वायनाड येथे मुसळधार पावसात एका बांधकाम स्थळावर भूस्खलन झाले. या घटनेमुळे सर्वत्र घबराट पसरली. ढिगाऱ्यांसोबत इमारती आणि टँकर वाहून गेले. ज्यात दोन जणांचा मृत्यू झाला आणि आठ जण जखमी झाले. मदत आणि बचाव कार्य सुरू असून, बाधित लोकांना चुलिक्का सरकारी प्राथमिक शाळेतील मदत शिबिरात ठेवण्यात आले आहे.
या दरम्यान, एक टँकर लोकांसाठी ‘संरक्षक ढाल’ बनला आणि त्याने अनेकांचे प्राण वाचवले. एका व्हिडिओमध्ये एक महिला कशीबशी टँकरखालून बाहेर पडताना दिसत आहे. टँकर थांबलेल्या भागातही ढिगारा पसरला होता. भूस्खलनानंतर मदत आणि बचाव कार्य सुरू आहे.
राज्य जनसंपर्क विभागा (पीआरडी) नुसार, ढिगारा कोसळल्याच्या भागातून आठ जणांना सुखरूप बाहेर काढून उपचारासाठी मेप्पडी येथील डब्ल्यूआयएमएस (WIMS) रुग्णालयात दाखल करण्यात आले आहे. जखमींना आवश्यक वैद्यकीय सेवा पुरवली जात असून त्यांच्या प्रकृतीवर सतत लक्ष ठेवले जात आहे. प्रशासनाने चुलिक्का शासकीय एलपी शाळेत बाधित लोकांसाठी मदत शिबिर उभारले आहे. खबरदारीचा उपाय म्हणून, भूस्खलनग्रस्त भागातील कुटुंबांना त्यांच्या घरातून बाहेर काढून सुरक्षित ठेवण्यासाठी या शिबिरात आणले जात आहे.
WIMS रुग्णालयात दाखल झालेल्यांमध्ये हिरा कुमार, दिलीप, सूरज यादव, संजय ठाकूर, रजनीश, तन्मय घोष, कुपमल (जया), कुंजू आणि संतोष कुमार यांचा समावेश आहे. प्रशासनाने सांगितले आहे की, मदत आणि बचाव कार्य सुरू असून, बाधित लोकांना सर्वतोपरी मदत पुरवली जात आहे. स्थानिक प्रशासन, आरोग्य विभाग आणि आपत्ती व्यवस्थापन पथके परिस्थितीवर लक्ष ठेवून असून, आवश्यकतेनुसार मदतकार्य करत आहेत.
